【Emily】法律年周一舉行 重返大會堂
[2023.01.14] 發表
【明報專訊】司法機構宣布下星期一(16日)會喺中環大會堂舉行法律年度開啟典禮。疫情之下，上兩年典禮都移師終審法院，2020年一屆就喺疫情爆發前舉行，所以今年將係疫情下第一次重返大會堂舉辦呢個盛事，屆時終院首席法官張舉能會喺愛丁堡廣場檢閱警察儀仗隊，外界亦關注司法界巨頭致辭會唔會回應人大釋法。
司法機構表示，張官檢閱儀仗隊之後，律政司長林定國、大律師公會主席杜淦堃、律師會會長陳澤銘會喺大會堂低座音樂廳致辭，附近會設立指定採訪區。為咗確保典禮嘅安全，司法機構提醒參加者唔可以帶液體或危險物品入場地。
更多港聞
相關新聞
