【Emily】停運1年 眾新聞網站正式關閉
[2023.01.05] 發表
【明報專訊】網媒「眾新聞」上年1月2日宣布停運，當時喺社交平台話，網站唔會再更新，一段時間後將會關閉。事隔1年，「眾新聞」網站近日正式關閉，所有報道下架，網站首頁換上團隊上年停運時嘅告別文。
「眾新聞」由多名自稱「傳媒老鬼」嘅資深傳媒人創辦，睇番告別文，提到團隊當年揀2017年元旦誕生，就係想以後嘅日子，不論太陽高掛或是風吹雨打，「都陪住你唱番呢句：『同熱愛這片土地，大家刻骨銘記，愁或喜，生與死，也是香港地。』」。
《蘋果日報》、「立場新聞」等高層相繼被捕及停運後，「眾新聞」亦喺「立場」高層被捕後數日後停運，當時時任總編輯李月華見記者話，停運係經過評估後嘅最好決定，佢作為總編輯，無法拿揑一個報道或一句說話會唔會犯法。
更多港聞
【Emily】葉劉視察窩田村長命斜 聞工程費估算嚇親
【明報專訊】新民黨主席葉劉淑儀前日又去離島落區，今次去到大嶼山梅窩窩田村，話今次係應村長鄧家洪邀請，去視察銀礦洞旁「長命斜」，話呢度多年來都... 詳情
【明報專訊】全民換身分證計劃喺2018年12月底展開，入境處噚日宣布，為期已4年多嘅換證計劃即將完結，各換證中心最後換證申請日期係2月11日...
詳情
【Emily】移澳35載 港人獲西澳洲傑出長者獎
【明報專訊】澳洲政府轄下嘅非牟利組織「全國澳洲日委員會（National Australia Day Council，NADC）」舉辦西澳洲... 詳情
【明報專訊】隨着新冠防疫措施放寬，學校於長假期後邁向復常。中小學生參與課後的體育、音樂活動等，不再受限於過去的疫苗要求。教育局日前更新學校的...
詳情
相關新聞
