【Emily】前高官新動向 羅致光陳帆齊任教大教授
[2023.01.05] 發表
【明報專訊】政府噚日公布部分離任官員新去向，其中勞福局前局長羅致光同早前當選全國人大代表嘅前運房局長陳帆，分別會有兩份新工作，其中佢哋會喺下月1號齊齊出任教育大學嘅榮譽教授，有客席演講、公開研討會，仲會同師生分享過往喺公共行政方面嘅經驗等，同時羅致光今個月已喺港大出任兼任教授，教社會工作、社會政策相關學科；而陳帆就會擔任機電工程商聯會榮譽顧問。
前律政司長鄭若驊之前已出任清華大學國際仲裁與爭端解決專案主任及教授，佢喺上年12月6日開始，仲做埋亞洲國際法律研究院嘅聯席主席及執行委員會成員。
另外，前環境局長政治助理區詠芷喺上月1日出任中國海外建築嘅可持續發展總監，勞福局長前政治助理馮興禮之前申報喺食品零售及批發公司「家健實業」任職營銷總監，但噚日就開始出任賽馬會慈善事務高級經理。
「前任行政長官及政治委任官員離職後工作諮詢委員會」認為，上述前官員離職後擔任嘅工作及委任唔會構成任何潛在利益衝突，亦唔預期會引起負面公眾觀感。
更多港聞
【Emily】消防處理大合作 研火場內定位系統
【明報專訊】消防處噚日（4日）同香港理工大學簽署合作備忘錄，研究一套室內定位系統，測定消防人員進入建築物火場後嘅位置，及即時追蹤搜索遇險人員... 詳情
【明報專訊】網媒「眾新聞」上年1月2日宣布停運，當時喺社交平台話，網站唔會再更新，一段時間後將會關閉。事隔1年，「眾新聞」網站近日正式關閉，...
詳情
【Emily】葉劉視察窩田村長命斜 聞工程費估算嚇親
【明報專訊】新民黨主席葉劉淑儀前日又去離島落區，今次去到大嶼山梅窩窩田村，話今次係應村長鄧家洪邀請，去視察銀礦洞旁「長命斜」，話呢度多年來都... 詳情
【明報專訊】全民換身分證計劃喺2018年12月底展開，入境處噚日宣布，為期已4年多嘅換證計劃即將完結，各換證中心最後換證申請日期係2月11日...
詳情
相關新聞
