【Emily】學生選十大新聞 英女王逝世居首 「早放暑假」排12 疫情新聞都較後
[2023.01.02] 發表
【明報專訊】新年前後有好多唔同嘅投票選舉，學友社噚日公布「第三十一屆全港中學生十大新聞選舉」結果，來自128間中學逾4.2萬名中學生從30則候選新聞票選，排名居首嘅係「英女王逝世 民眾紛紛哀悼」(29,896票)，緊隨其後係「韓國梨泰院人踩人事故」(28,489票)，之後係「日本前首相遭槍擊」、「MIRROR演唱會墜屏幕意外」。學友社話，排首位及第三位涉及知名政治人物離世，而第二及第四位分別為韓國及本港嘅意外突發事故，喺地域及生活上均與中學生相關性較近，更能獲得中學生關注。
梨泰院慘劇第二 MIRROR事故第四
學友社亦估計，當涉及人命傷亡事件發生時，唔少身在現場嘅人發布片段上載至社交媒體平台，震撼嘅畫面令多用社交媒體平台嘅學生對相關新聞留下更深刻嘅印象。
新冠疫情持續3年，本港去年經歷第五波疫情，不過除咗「學校提前放暑假」排第12位外，其他疫情新聞排名都較後，好似「殺倉鼠令」(第25位)、「(防疫措施)放寬至0+3」(第27位)等。學友社估計，因防疫措施及安排時有更新，加上社會包括中學生視疫情新聞為日常，致使其關注度較其他新聞少。
更多港聞
【Emily】迪拜遇巴西重炮卡路士 阿根廷躉林振昇打卡
【明報專訊】唔少市民趁聖誕新年假期外遊，其中勞聯立法會議員林振昇（右）早前到阿聯酋廸拜旅行，巧遇已退役嘅巴西球星羅拔圖卡路士（左），仲同對方... 詳情
【Emily】助處理內地問題 民建聯人代擬搞聯合辦
【明報專訊】新一年大家都會訂立一啲新目標。噚日民建聯就舉行咗「匯聚人才 邁進新時代」啟動禮，主席李慧琼話希望未來一年做好六方面嘅工作，包括推... 詳情
相關新聞
