【Emily】多間大學舉行元旦升旗禮
[2023.01.02] 發表
【明報專訊】現時大學需每日升掛國旗、每周及特別日子舉行升旗禮，噚日多間院校都搞元旦升旗。中大話，舉行元旦日升旗儀式迎接新一年，並於校網發放片段及相片。儀式早上10點半開始，約100名嘉賓出席，包括大學校董會主席查逸超、校董會成員、管理層、書院及學院代表，以及大學師生同校友，不過就未提及校長段崇智出席。中大喺去年國慶日、9月5日開學日，都有喺校網發布升旗儀式嘅稿同相片。
中大未提及段崇智出席
多間大學趁元旦日舉行升旗儀式，港大、理大、浸大、嶺大、教大、都大及恒生大學均有發新聞稿或喺校網公布。港大話，校委會主席王沛詩、署理行政及財務副校長潘巍、副校長(學術發展)宮鵬教授，聯同一衆中央管理小組成員等出席儀式，迎接新一年。
理大校董會主席林大輝話，新一年，香港正邁進新嘅發展階段，由治及興；理大會全力支持特區政府「同為香港開新篇」嘅願景，全力配合政府實踐科創和人才等政策目標。
浸大話，學生升旗隊伍喺新一年開展之際，於校園內升起國旗，別具意義，象徵香港年輕人對祖國嘅認同，並將肩負起推動國家繁榮強盛嘅使命。
更多港聞
【Emily】助處理內地問題 民建聯人代擬搞聯合辦
【明報專訊】新一年大家都會訂立一啲新目標。噚日民建聯就舉行咗「匯聚人才 邁進新時代」啟動禮，主席李慧琼話希望未來一年做好六方面嘅工作，包括推... 詳情
相關新聞
