【Emily】老竇聖誕生日 梁熙送自己做禮物

【明報專訊】聖誕節假期立法會休會，議員各自「充電」。民建聯梁熙話，佢咁多年來都扮演「聖誕老人」角色，喺聖誕送禮畀爸爸，因為爸爸喺聖誕節生日。佢話細個時會畫張生日卡，大個咗就會買吓衫，而近年爸爸鍾意玩電子用品，佢由手機到平板電腦都送過；𠵱家做咗議員好忙，陪家人時間少咗，所以噚日決定今年送自己做生日禮物，承諾噚日唔接電話、唔睇手機，同爸爸食餐飯，共敘天倫。

另一議員梁文廣就話，噚日應團體安排，同副商務及經濟發展局長陳百里及一班義工，向長沙灣區內近100戶基層屋邨同劏房小朋友派發聖誕禮物，送上祝福。荃灣區議會主席陳琬琛噚日就去探訪區內兩戶，佢哋家人早前遇上工業意外，琛哥話希望透過派聖誕禮物，等佢哋感受到點點暖意。

關注體育政策嘅民建聯鄭泳舜寓工作於娛樂，噚日去咗睇香港國際網球邀請賽決賽，話見證世界級網球比賽重臨香港。

更多港聞

【Emily】霓虹招牌聖誕卡 團體籲毋忘「香港之光」

【明報專訊】噚日聖誕節，有保育團體設計咗一張電子聖誕卡，並以本港昔日著名嘅霓虹招牌為靈感，務求喺送上祝福嘅同時，透過聖誕卡令大家反思同留意寥... 詳情

【Emily】IT狗導演：將有更多類似《正義迴廊》作品

【明報專訊】前財政司長曾俊華早排客串過ViuTV電視劇《IT狗》，佢噚日喺facebook話有日飲咖啡時撞到該劇導演簡君晉（Lawrence... 詳情