【Emily】楊潤雄見俄文化部長 倡俄片在港上畫
[2022.12.17] 發表
【明報專訊】俄羅斯首次參與香港舉辦嘅亞洲文化合作論壇(ACCF)，文體旅遊局長楊潤雄(圖右)同俄羅斯文化部長柳比莫娃(Olga Lyubimova，圖左)日前喺論壇會面，雙方同意進一步加強文化藝術交流合作。根據俄羅斯文化部引述，楊潤雄提議高質素俄羅斯電影嚟香港上畫，有機會嘅話，希望可爭取香港電影喺俄羅斯院線放映，而柳比莫娃亦提到雙方有合作製作電影嘅機會，包括動畫。
楊潤雄話留意到俄羅斯電影喺香港有市場，過去俄羅斯電影都有參與過香港電影節，又話香港導演一直好歡迎同外地合作。雙方又同意加強博物館交流，楊潤雄仲大讚俄羅斯嘅博物館展覽做得好好。
柳比莫娃喺ACCF論壇期間致辭話，俄羅斯對所有範疇嘅對話同國際合作都持開放態度，而電影係其中一個重點範疇，俄羅斯文化部一直有資金推動合拍電影，同埋喺多國舉辦俄羅斯電影節。
更多港聞
【Emily】迪士尼美食巡禮 飲品融入五行概念
【明報專訊】香港迪士尼樂園度假區噚日舉行「2023年美食巡禮」，最特別嘅係迪士尼樂園酒店晶荷軒，製作融入中國傳統「五行」概念嘅「金、木、水、... 詳情
【明報專訊】YouTube香港噚日公布2022年度十大排名，可反映過去一年香港人追看同訂閱嘅影片、音樂、創作者受歡迎程度。根據YouTube...
詳情
相關新聞
