【Emily】迪士尼美食巡禮 飲品融入五行概念
[2022.12.17] 發表
【明報專訊】香港迪士尼樂園度假區噚日舉行「2023年美食巡禮」，最特別嘅係迪士尼樂園酒店晶荷軒，製作融入中國傳統「五行」概念嘅「金、木、水、火、土」特式飲品，客人可根據自己體質選擇。另外，香港迪士尼出年亦會分階段推出唔同嘅迪士尼、彼思故事主題蛋糕，分別有慶祝情人節嘅《美女與野獸》蛋糕、母親節嘅《富貴貓》蛋糕、畢業季嘅《怪獸大學》蛋糕，同埋冬日《魔雪奇緣》蛋糕。
樂園度假區傳訊及公共事務副總裁黎珮珊話，香港迪士尼喺多個表演節目同活動加入多元共融元素，例如喺榮獲國際獎項嘅萬聖節表演《惡人舞動迪士尼》、音樂劇《迪士尼魔法書房》中，喺舞台旁邊有傳譯員以手語演譯內容，令更多人可欣賞迪士尼表演，更希望提升社會關注。
更多港聞
【明報專訊】YouTube香港噚日公布2022年度十大排名，可反映過去一年香港人追看同訂閱嘅影片、音樂、創作者受歡迎程度。根據YouTube...
詳情
相關新聞
