【Emily】選人代前染疫 陳振英無得入票站 另有候選人10個電話號碼拉票
[2022.12.15] 發表
【明報專訊】今日係港區人大代表換屆選舉，只有近1500名合資格選民可投票。不過，候選人之一、金融界議員陳振英就唔好彩，前日確診新冠，今日無得投票或到會場拉票。陳振英確診當日曾經出席多個活動，包括同「G19」議員傳媒午宴，佢喺社交網站就引起各方不便致歉。陳振英話只係有啲攰但無其他症狀，居家隔離緊，又祝大家身體健康。
雖然內地放寬防疫規則，但一眾選民要投票，都要出示48小時內嘅核酸結果陰性證明，連採訪嘅傳媒都唔例外。
各候選人趁最後關頭拉票，Emily聽聞，有候選人用多個電話號碼向各路選委拉票，有人過去幾日收到近10個唔同電話號碼發出嘅拉票信息，經打聽係九龍社團聯會理事長徐莉。有選委笑言，大家印象深刻，分分鐘對選情有幫助。
唔知係咪因為選舉前夕，Emily見部分身兼立法會議員嘅候選人，短暫現身立法會會議或同日嘅前廳交流會，其他時間都去咗選舉見面會，包括香港青年工業家協會同廠商會搞嘅交流會，一日要走好多場。至於對選情有無幫助，今日就揭曉。第十四屆港區人大代表選舉會選出36個人代，有42人獲確認候選人資格，當中15人為現屆港區人代。
更多港聞
【明報專訊】立法會補選嚟緊星期日舉行，屆時將會選出選舉委員會界別4個議員。有唔同消息人士同Emily講，近日立法會主席梁君彥已向全體議員發通...
詳情
【Emily】劉智鵬獻計 用荒廢漁村「講好香港故事」
【明報專訊】新一屆政府響應中央要求，經常都話要向世界「說好香港故事」，噚日立法會討論「全面認識國家發展，說好中國和中國香港故事」議案，其間選... 詳情
【明報專訊】全球正步向復常，旅遊網站Expedia根據今年7至11月喺平台搜尋今年12月至出年2月嘅旅遊住宿數據，發現港人搜尋最多嘅旅遊目的...
詳情
【Emily】建造商會推ESG App 工友飲水儲分換獎品
【明報專訊】近年唔少企業都關注ESG（環境、社會及企業管治）議題。香港建造商會今年撥出1000萬元成立「可持續發展嘉許計劃」，當中推出「ES... 詳情相關新聞
