【Emily】立會補選翌日宣誓 梁君彥邀議員撐場
[2022.12.15] 發表
【明報專訊】立法會補選嚟緊星期日舉行，屆時將會選出選舉委員會界別4個議員。有唔同消息人士同Emily講，近日立法會主席梁君彥已向全體議員發通知，新任議員嘅宣誓儀式初步訂喺補選翌日，即下周一朝早舉行，而監誓人係特首李家超，請議員出席以示支持；議員若出席觀禮，需要喺當日早上提早15分鐘返到會議廳，不過到時就可以唔使按平時座位表咁坐，議員可以自由入座。
過往喺補選過後，新任議員都會喺下一次大會開始前宣誓，不過今次就一改做法。Emily聽聞，補選過後要等到出年1月11日先有立法會大會，此前就有啲事務委員會同埋小組委員會會議，所以議員早啲宣誓就可以早啲履行議員職務喇。
睇番會議議程，補選過後至1月11日前有5日有會議，其中下周一下午已有4個會議，其中兩個係閉門會議。
今次立法會補選，有6名候選人爭4席，按編號依次係黃錦輝、陳永光、何敬康、黃梓謙、尚海龍及李廣宇。
更多港聞
【Emily】劉智鵬獻計 用荒廢漁村「講好香港故事」
【明報專訊】新一屆政府響應中央要求，經常都話要向世界「說好香港故事」，噚日立法會討論「全面認識國家發展，說好中國和中國香港故事」議案，其間選... 詳情
【明報專訊】全球正步向復常，旅遊網站Expedia根據今年7至11月喺平台搜尋今年12月至出年2月嘅旅遊住宿數據，發現港人搜尋最多嘅旅遊目的...
詳情
【Emily】建造商會推ESG App 工友飲水儲分換獎品
【明報專訊】近年唔少企業都關注ESG（環境、社會及企業管治）議題。香港建造商會今年撥出1000萬元成立「可持續發展嘉許計劃」，當中推出「ES... 詳情
相關新聞
