【Emily】紅花嶺擬劃郊園 何君堯倡拓民宿 高球車送老弱登山
[2022.12.13] 發表
【明報專訊】政府之前提出要將沙頭角紅花嶺劃為郊野公園，一班立法會議員噚日喺環境事務委員會會議上提出唔少主意，其中選委會界別何君堯話，𠵱家喺紅花嶺睇唔到「Theme Park(主題公園)」，建議喺郊野公園增設車道，畀電動車同救護車等可以駛入，仲提議增設高爾夫球車，運送老弱人士上山。
何君堯仲建議喺郊野公園開拓民宿，例如設迷你酒店、汽車旅館等，等行山者中途可以休息。工程界議員盧偉國就以港人好鍾意嘅日本北海道自駕遊為例，話當地有好多國家級森林公園同埋濕地，例如「釧路濕原」，入面有公路、瞭望台、獨木舟等，可以帶來旅遊收入，又或有科研重點。佢仲話，如果郊野公園冇保育政策，就會被大自然「劣化」。
政府：改善紅花嶺山徑 盼設博物館
聽完多個議員嘅意見，政府回應時就話，近年社會上有聲音希望可以改善郊野公園設施，但同時亦有聲音話唔應該有咁多設施破壞大自然，所以設新設施時應要因地制宜，嚟緊會改善紅花嶺郊野公園嘅行山徑，亦會希望喺附近設開放式博物館。
更多港聞
【Emily】周日市區降至9℃ 大埔上水低見6℃
【明報專訊】嚟緊嘅周末本港天氣會顯著轉冷，市民要多多保重，特別係要多啲關顧一下身邊嘅老人家。天文台話，受東北季候風補充同一道雨帶影響，預料未... 詳情
【明報專訊】政府早前向立法會提交有關「地區服務及關愛隊伍」（關愛隊）的方案內容，其中每隊關愛隊每兩年資助80萬至120萬元，噚日立法會民政及...
詳情
【明報專訊】行政會議成員、資深大律師湯家驊新冠病毒快測呈陽性，佢話發病第一日已經發燒，亦有其他病徵，當時快測仍然陰性，所以提醒大家唔好完全依...
詳情
【Emily】廠商會會慶 12集電視特輯介紹成就
【明報專訊】今年係中華廠商聯合會成立88年，慶祝活動之一係同無綫電視合作，製作名為「『廠』造未來」嘅電視特輯，由噚日至下月20日期間，一共1... 詳情相關新聞
