【Emily】周日市區降至9℃ 大埔上水低見6℃
[2022.12.13] 發表
【明報專訊】嚟緊嘅周末本港天氣會顯著轉冷，市民要多多保重，特別係要多啲關顧一下身邊嘅老人家。天文台話，受東北季候風補充同一道雨帶影響，預料未來幾日廣東沿岸地區天氣會相當清涼，一股強烈冬季季候風會喺周末抵達華南沿岸，該區北風增強。去到星期六，市區嘅氣溫都會跌到去最低11℃，星期日(18日)會跌到9℃，不過天色會好轉，日間天晴但非常乾燥。
天文台預計，今日有一兩陣微風，早晚相當清涼，市區最低氣溫14℃，新界再低一兩度；星期三至五嘅天氣仍相當清涼同有幾陣雨，周末天氣顯著轉冷，星期日市區氣溫降至9℃。睇番天文台分區天氣預報，當日清晨時分，西貢同將軍澳等地區只有8℃，大埔、上水及天水圍得6℃，打鼓嶺更只有5℃。星期日早上亦係單車節舉行日子，參賽者記得保暖，而寒冷天氣會持續3日，直至下周三氣溫先開始回升番。
更多港聞
【明報專訊】政府早前向立法會提交有關「地區服務及關愛隊伍」（關愛隊）的方案內容，其中每隊關愛隊每兩年資助80萬至120萬元，噚日立法會民政及...
詳情
【明報專訊】行政會議成員、資深大律師湯家驊新冠病毒快測呈陽性，佢話發病第一日已經發燒，亦有其他病徵，當時快測仍然陰性，所以提醒大家唔好完全依...
詳情
【Emily】廠商會會慶 12集電視特輯介紹成就
【明報專訊】今年係中華廠商聯合會成立88年，慶祝活動之一係同無綫電視合作，製作名為「『廠』造未來」嘅電視特輯，由噚日至下月20日期間，一共1... 詳情
相關新聞
