【Emily】陳浩濂同金融科技周嘉賓包廂睇七欖

一連三日嘅國際七人欖球賽噚日開鑼，財庫局副局長陳浩濂（左一）去到專為金融科技周而設嘅包廂，同參與金融科技周嘅嘉賓一齊睇七欖。（財庫局fb圖片）

【明報專訊】香港金融科技周(FinTech Week)噚日係最後一日，適逢一連三日嘅香港國際七人欖球賽開鑼，政府喺大球場設包廂，邀請來港參加金融科技周嘅海外嘉賓睇波，包括英國、意大利、日本等，一齊喺比較輕鬆嘅環境聚會。財經事務及庫務局副局長陳浩濂噚日都去咗包廂一齊睇波，兼同球員打氣。政府早前容許入場觀眾飲食，好多觀眾都一面飲啤酒、一面睇波開party，但副局長同一班嘉賓就好守規矩，影相時都戴咗口罩。

陳浩濂話，香港接連舉辦金融科技周同國際金融領袖投資峰會，兩個活動嘅氣氛都好熱烈，大家有好好嘅討論，與會者亦把握機會，同香港嘅公司團隊、客戶、業務伙伴見面交流，仲話今個星期正好畀好耐無嚟香港嘅海外朋友，再嚟感受香港係一個開放、充滿活力同機會嘅城市。

更多港聞

【Emily】國際青年商會主席 首來港讚大自然美景

【明報專訊】除咗金融科技周等國際活動，國際青年商會（JCI）今個星期都喺香港舉行世界大會（World Congress），有3500個會員親... 詳情

【Emily】梁熙兩撳發言掣最快 議員佩服

【明報專訊】立法會教育事務委員會噚日開會時，一度出現系統故障，部分議員第一次撳發言掣後系統無反應，自由黨張宇人仲消失喺輪候發言條隊，委員會主... 詳情