【Emily】偽造問卷現 民研遭圍攻 取消俄烏開戰民調發布 研究跟進
[2022.03.12] 發表
【明報專訊】多份建制報章同媒體近日先後狙擊香港民意研究所一個有關俄羅斯同烏克蘭開戰嘅調查，「港人講地」仲引述一份網傳嘅民調草稿(圖)，另有建制媒體引述建制法律界人士話違反國安法，甚至已有建制外圍組織去警總要求調查。香港民研原定噚日公布調查結果，因事態突然取消發布會，但強調係被抹黑，話媒體刊載嘅所謂「問卷調查草稿」係偽造，亦非香港民研草擬嘅問題，正研究點樣跟進。
民研解釋，係因為事出突然，用咗大量時間同精神處理事件，包括同法律團隊研究，所以要臨時取消發布會。
睇番喺建制網上群組流傳嘅「香港民意研究所問題草稿」，7條問題中，除咗問支持烏克蘭或俄羅斯邊一方，仲問及有幾支持或反對參加「烏克蘭國際志願軍」以支持烏克蘭，同埋願意以乜嘢「實際行動」支持烏克蘭，包括籌集資金、提供軍備、參加志願軍、聯署要求中國向俄施壓等。
民研副行政總裁鍾劍華好勞氣咁喺facebook度質疑，𠵱家係有人揑造文件，係唔係已經變成無傷大雅嘅「輕微罪行」。佢又話政府口口聲聲要打擊假新聞，「點解咁明顯嘅假新聞冇人出聲？」
更多港聞
【明報專訊】民建聯星期二去信特首林鄭月娥，質疑特區政府只派出局長級代表同來港協助抗疫嘅國家衛健委新冠疫情專家組組長梁萬年對接工作，同晚發聲明...
詳情
【明報專訊】運輸署前日出稿，話即使疫情嚴峻，仍然向市民提供牌照服務。署長羅淑佩噚日喺facebook話，𠵱家walk-in服務停止，櫃位服...
詳情
【Emily】楊潤雄借「常委騙案」sell教材 劉國勳自薦演出
【明報專訊】民建聯立法會議員、北京市政協委員劉國勳早兩日遇上懷疑WhatsApp騙案，有自稱「中聯辦王秘書長的傳話人」問佢對「常委」一職有冇... 詳情相關新聞
