【Emily】撞樣成日被認錯 劉智鵬陳沛良 識睇睇條界

網媒「獨立媒體」搞錯咗同為選委會界別議員劉智鵬同陳沛良嘅相。民建聯議員林琳係facebook發文，形容兩人「profile相都咁似樣，叫人點分你係邊個」，教路如果唔能夠認出二人，可以用髮型分辨。（林琳fb）

【明報專訊】網媒「獨立媒體」噚日報道，立法會議員劉智鵬提議喺中小學同幼稚園嘅學生學籍表上，設立「籍貫」一欄，培養學生嘅家國關懷，但報道用錯咗同為選委會界別議員陳沛良嘅相。劉智鵬回應事件，話佢哋兩人經常畀人撈亂，「冇所謂啦！」由於二人樣貌相似，曾鬧出笑話。劉智鵬同Emily講，有次陳沛良去立法會「咖啡角」用餐，點知職員認錯人，喺張單寫上「劉智鵬」，對方埋單時先發現寫錯名。佢又分享立法會選舉時，有其他候選人都分唔清佢哋。

麥美娟：戴咗口罩個個男神女神

民建聯議員林琳亦係facebook發文，話「獨立媒體」用嘅相喺陳沛良，仲分享二人嘅個人資料相，形容「profile相都咁似樣，叫人點分你係邊個」，表示如果唔能夠認出二人，可以用髮型分辨。Emily仔細咁睇二人嘅髮型，陳沛良嘅髮型係「七三分界」，劉智鵬嘅頭髮就比較蓬鬆、無明顯分界。工聯會議員麥美娟亦喺林琳嘅帖文留言，話戴咗口罩後「個個都係男神女神」。

至於劉智鵬嘅提議，教育局長楊潤雄回應話唔同家長以及持份者有唔同意見，目前未有共識，但已經有部分學校作出校本安排。

更多港聞

【Emily】老婆成鏡粉 岑敖暉加入「前夫」行列

【明報專訊】荃灣前區議員岑敖暉（Lester）因初選案被還押，太太Nicole噚日喺Lester嘅facebook專頁更新Lester近况，... 詳情

【Emily】劉子傑梁國華 辭民主黨中委

【明報專訊】民主黨前晚召開中委會確認革除副主席梁翊婷同前中委蘇逸恒，Emily聽聞，原來會上同時通過梁國華同劉子傑請辭中委申請。據知本身係葵... 詳情

【Emily】建制譴責預告封區 麥潤培斥其身不正

【明報專訊】沙田區議會主席、民主派麥潤培周日（13日）中午喺facebook直播，預告馬鞍山利安邨利盛樓當晚「有啲行動」。包括早前投訴過佢嘅... 詳情

【Emily】葉劉話疫下香港似第三世界

【明報專訊】疫情衝擊本港醫療系統，死亡個案日漸增加，好多人見到醫院外嘅確診病人要餐風露宿都好憂心。行政會議成員葉劉淑儀喺電台節目話，本港疫情... 詳情

【Emily】區議員自我家居隔離 託助理送樽

【明報專訊】大埔區議員、民主派姚鈞豪前晚喺facebook話屋企人用快速測試檢測，顯示陽性，佢嘅快速測試結果則係陰性，但都會自我家居隔離。姚... 詳情