【Emily】免聚集 億元六合彩攪珠延至1?20
[2022.01.07] 發表
【明報專訊】星期二晚8000萬六合彩新年金多寶攪珠最終無人中頭獎，原定聽晚(8日)嗰期攪珠頭獎10元一注中會有1.05億元，但馬會鑑於疫情，為免投注站聚集人群，噚日宣布呢期六合彩攪珠延期到1月20日舉行，馬會仲話會因應政府疫情措施再公布之後攪珠安排。雖然受疫情影響，但未損市民求發橫財興致，因為截至噚晚7點幾，呢期六合彩投注額已經有7000幾萬元，睇怕押後會令投注額升到1億多元。
馬會又加強投注站防疫措施，包括所有顧客必須掃描「安心出行」場所二維碼，同埋實施人流管制措施，並且停直播賽馬及足球賽，只提供賽馬聲音廣播。
翻查馬會資料，原來六合彩最高派彩頭獎得主喺不足5個月前產生。舊年8月26日晚六合彩攪珠攪出5、10、17、30、43、44號，特別號碼40號，結果一注獨中，頭獎得主捧走91,247,640元彩金，據了解呢個幸運兒係喺投注站排隊買中頭獎彩票。
更多港聞
【明報專訊】立法會下周三（12日）正式開會，議員最遲今日（7日）報名加入內務委員會、財務委員會同埋其轄下兩個委員會，以及下周二（11日）報名...
詳情
【明報專訊】研究資助局公布「2021/22年度協作研究金」撥款結果。48個由大學學者合作的跨學科研究項目獲批資助，涉及金額2.85億。據網頁...
詳情
相關新聞
