【Emily】黃俊瑯狙擊 周浩鼎譏舊思維 田二少擺街站 乖孫探班兼助選
[2021.11.29] 發表
【明報專訊】立法會選舉新界西北選區有3人參選，包括新思維黃俊瑯、民建聯周浩鼎及實政圓桌田北辰。阿瑯就玩「狙擊」策略，噚日知道阿鼎落咗屯門新墟，於是拎埋大聲公到場，批評民建聯係保皇黨，同阿鼎爆罵戰。阿瑯同另一對手田二少，其實噚日朝早都喺屯門嘅街市狹路相逢，但阿瑯話佢哋係偶遇，大家都無帶大聲公，無對罵之餘仲打咗個招呼，然後各自修行。
阿鼎噚日喺屯門開街站，無幾耐阿瑯就到場，並開咪大罵民建聯喺議會保皇，話立法會幾分鐘就過一議案，美其名係效率，實際上無監察。阿鼎都唔客氣，立即開火還擊，斥阿瑯係「攬炒派」，諷刺其組織「新思維」其實係「舊思維」。 阿瑯事後同Emily講，佢哋批評政府施政，唔代表就係「攬炒」，又話明如果知道阿鼎去向，佢就會到場「狙擊」。
田二少就自己密密做，話噚日跑30個街站，去到元朗時仲有神秘嘉賓「突擊」，原來係阿女帶埋3個孫仔孫女探班，令佢三代同堂咁擺街站。田二少話，見到啲孫即刻充滿能量開工。
更多港聞
【Emily】年底開放 灣仔海岸堤階 無欄賞景
【明報專訊】近年維港海濱路段逐步駁通，發展局長黃偉綸噚日喺網誌話，9月底開放嘅炮台山嘅「東岸公園主題區（第一期）」，有本港首條向公眾開放、引... 詳情
【Emily】結婚紀念日 阿峯嘆婚禮來賓繫獄散各地
【明報專訊】已離港嘅民主黨立法會前議員許智峯，噚日喺社交媒體上載婚禮舊相片，原來噚日係佢結婚紀念日，但佢話一睇相中人，為佢證婚嘅民主黨何俊仁... 詳情
【Emily】嶺大榮譽博士授陳德霖、張艾嘉、鍾南山
【明報專訊】嶺南大學宣布，將頒授榮譽博士學位畀4個傑出人士，表彰佢哋喺各自專業領域嘅卓越成就同造福社會嘅重要貢獻，包括金管局前總裁陳德霖（左... 詳情
相關新聞
