【Emily】選舉廣告講動保 方龍飛拍片逸東邨放羊
[2021.11.15] 發表
【明報專訊】立法會選戰開打，參選人各自推銷唔同議題，港島西選區方面，參選人、離島區區議員方龍飛前日喺facebook呼籲「動物的命也是命……可以不愛但請不要傷害」，上載佢喺逸東邨附近放羊、餵羊嘅影片，帖文標註「選舉廣告」。片段中，方龍飛拖住5隻羊仔行路，每隻羊都有頸圈同繩，佢話好多時五六點起身，喺逸東巡一圈，就會嚟做義工放羊。佢又話近年常有殘殺動物事件，佢如果晉身議會，會提出完善保護動物法案。
陳學鋒戴鯊魚頭套做街訪
葉劉派傳單偶遇奧地利領事
民建聯副主席陳學鋒喺做中西區區議員期間，一直爭取設立中西區海濱長廊，長廊建成一周年，陳日前戴住鯊魚頭套訪問現場十幾個街坊。短片中，受訪者都話鍾意長廊設計，有小朋友仲畀「1萬分」，有人仲講陳學鋒有份爭取。陳學鋒話，海濱長廊能夠建成係靠大家共同參與畀意見，最後得出結果大家都鍾意，正因為佢哋同居民站在同一陣線。
新民黨主席葉劉淑儀喺過去嘅周末再到港島唔同地區派選舉宣傳單張，其間有個外國人上前笑住同佢打招呼，先發現對方係奧地利駐港總領事。
更多港聞
【Emily】伍月蘭借場 楊彧重返「議辦」服務街坊
【明報專訊】深水埗前區議員、民協楊彧日前喺facebook宣布自己可以重返以前位於海麗邨海禧樓嘅辦事處舊舖服務大家，因為深水埗區議會副主席伍... 詳情
【Emily】石禮謙談「告別劏房」 「領導人不應只點出問題無理解原因」
【明報專訊】立法會地產及建造界議員石禮謙唔再競逐連任，佢接受商台訪問時總結經歷21年議會生涯就話，最感嘆係香港深層次問題未妥善解決。港澳辦主... 詳情
【Emily】11．21長者日 1400商户推銀髮優惠
【明報專訊】11月21日（周日）為「長者日」，社會福利署話籌辦咗「長者日消費優惠」活動，邀請本地飲食及零售業界，喺當日為長者卡持有人提供特別... 詳情
校本支援派員共同備課 檢視國安教材 教局倡用內地例子教公民科
【明報專訊】公民與社會發展科今學年起逐步取代通識教育科，學校可向教育局申請「公民與社會發展科／通識教育科」校本支援服務，教局人員定期到校與教... 詳情相關新聞
