【Emily】前日挺龐愛蘭 噚日挺林哲玄 醫衛界撐兩人 高永文：無票投

食衛局前局長高永文（前排右）前日為參選醫療衛生界嘅龐愛蘭（前排左）撐場，仲拎住「全力支持」嘅宣傳牌。（資料圖片）

高永文（右）噚日陪同西醫林哲玄（左）報名參選立法會醫療衛生界選舉。（鍾林枝攝）

【明報專訊】立法會選舉正值提名期，唔少功能組別已現競爭，好似新選舉制度下由過去兩界別合併而成嘅醫療衛生界，就至少有3人競爭，包括前日報名嘅註冊藥劑師龐愛蘭，及噚日報名嘅西醫林哲玄，但二人都分別獲食物及衛生局前局長高永文到場支持。高永文前日拎住「全力支持龐愛蘭」嘅牌助選，噚日又拎住「請支持林哲玄醫生」嘅牌站台，究竟佢支持邊個？高永文就同傳媒講自己喺醫衛界無票投，所以唔使選擇。

報名漁農界 楊上進退出民記

高永文話，今次選舉同以往唔同，希望可以摒除所有無謂嘅、政治嘅互相攻擊，大家開誠布公，市民可以真正睇到面對廣大選民，以往績、工作同實力爭取大家支持嘅候選人，重申今次係良性競爭。至於點解本身係醫生嘅高永文無票投？相信係因為佢屬全國政協委員，其功能組別一票係喺新增嘅「人大政協及全國性團體」界別。醫衛界另一名已報名參選人為民建聯中醫陳永光。

另外，Emily噚日睇到，報名參選漁農界嘅楊上進並無申報政治聯繫，但民建聯網站又顯示佢係南區支部委員。噚日楊上進解畫，原來佢已經為參選退黨，但強調同另一參選人、民建聯漁農界現任議員何俊賢無交惡，只係網站未更新，嚟緊佢想用自己處理前線個案經驗爭取支持。

更多港聞

【Emily】葵青區會選副主席 建制派自動當選

【明報專訊】葵青區議會經歷辭職潮、區議員宣誓後，目前尚餘9個議員，建制派佔5人「重奪」主導權。葵青區議會原副主席張文龍早前辭職，區議會噚日重... 詳情

【Emily】潘文思怡填錯名 要再報名

【明報專訊】立法會選舉提名期後日（周五）結束，唔少參選人報名前都會再三檢查資料，以免有甩漏。會計師潘文思怡（別名會計妹）噚日下午去政府總部報... 詳情

【Emily】陳茂波民望淨值兩點 特首司長唯一正數

【明報專訊】香港民研噚日發表最新主要官員嘅民望，特首林鄭月娥最新評分35.7分，下跌1.3分，有32%受訪者畀林太0分，民望淨值係負42點；... 詳情

【Emily】蔡明禧「踩場」質問 方國珊無應

【明報專訊】參選過5屆立法會選舉嘅「哪吒」、西貢區議員方國珊，噚日陪佢團隊嘅林素蔚報名參加新界東南地方直選，已報名同區參選嘅公民黨前成員蔡明... 詳情

【Emily】搭昂坪纜車有機會抽叱咤飛

【明報專訊】又就嚟到年度叱咤樂壇頒獎禮，叱咤一向一票難求，昂坪360今年就搞咗個叱咤頒獎禮門票抽獎：只要搭昂坪來回纜車，其中一程係水晶車廂、... 詳情