【Emily】教授被指灌酒買學生怕 楊潤雄：個教授問題大啲
[2021.09.02] 發表
【明報專訊】自由黨主席張宇人噚日喺立法會大會提出口頭質詢，關注大學生意見調查機制嘅成效，質疑有學生基於政見分歧，刻意畀某啲教學人員極低評分以報復。多名議員發言時舉出一啲自己「聽聞」嘅事例，民建聯張國鈞話從八大嘅大學助理教授口中得知，去到最後一堂評分時，「(有)助理教授帶幾支紅酒去上堂，去招呼學生，為嘅係咩？就係驚學生對佢哋嘅評價唔好」，批評制度扭曲，師生關係異化，老師變成服務提供者。
張國鈞：教師怕學生評價差
教育局長楊潤雄回應話，如真有此事，「反而大啲問題喺嗰位教授身上」，話要靠教學人員堅守教學原則，從而維持教學尊嚴、質素，如果有老師「買人怕」而咁做，咁老師本身都有問題。
另一民建聯議員蔣麗芸(Ann姐)就舉例，話大學有好多天之驕子，「好威㗎……有啲(學生)企喺枱度，攞溪錢灑落老師度，甚至話『你食飯都靠我哋，我哋唔鍾意你，你就冇得撈』」。Ann姐質疑近幾十年來，大學嘅質素係咪愈來愈好，學生唔使上堂都可以有高分數，要求政府檢討。楊潤雄就話聽到議員對制度有好多質疑，政府定會同大學商量，要校方檢視機制發揮緊咩作用，係咪需要改善。
更多港聞
【明報專訊】上周四晚獨得9124萬元歷來六合彩頭獎最高派彩嘅幸運兒究竟攞咗支票未，馬會一貫政策守口如瓶，不過上年度無人認領六合彩彩金就已經喺...
詳情
【Emily】李予信辭區議員 做寵物美容「依然喺度」
【明報專訊】涉及民主派初選案、正在保釋嘅李予信噚日宣布辭任東區區議員，區議會網頁顯示，佢嘅任期去到8月31日。阿信噚日喺facebook交代... 詳情
【明報專訊】政府一直都未公布究竟幾時可以同內地通關，實政圓桌立法會議員田北辰建議可以先同廣東省城市局部通關，因為香港同廣東省長期都屬低風險地...
詳情
名校生：同級逾10人移民 有校長稱同區學校流失過百學生
【明報專訊】新學年伊始，在移民潮下，有學生甫開學便快將與同儕離別。有就讀九龍傳統名校的高中生表示，同級10多名同學已經移居海外，但是自己「始... 詳情
5大學《條例》列明學生會校務角色 楊潤雄：倘港大修例會協助
【明報專訊】港大早前因學生會評議會通過「感激」七一刺警疑犯議案而不再承認學生會，有立法會議員關注大學學生會在校內管治角色。教育局長楊潤雄昨書... 詳情相關新聞
