【Emily】元朗區會補選副主席 鄧賀年出陣戰泛民
[2021.08.23] 發表
【明報專訊】區議員宣誓引發民主派辭職潮，部分區會主席或副主席懸空，元朗區議會聽日將補選因民主派麥業成辭職而懸空嘅副主席位置，據了解當然議員、鄉事派鄧賀年獲建制派推舉，同獲民主派推舉嘅頌華選區陳詩雅爭奪。根據目前元朗區議會嘅議席版圖，21名民主派辭職後，建制派佔12席，地區人士視非建制一方目前有「11+1」人，即11名民主派加熱血公民王頴思，有消息話建制派對贏出副主席選舉有信心。
近五五開 熱血公民成關健
Emily未能聯繫到陳詩雅，提名佢嘅民主派張智陽同Emily講，陳詩雅出選係民主派內部商討出嚟，希望到時大家人齊投票，亦希望王頴思係佢哋嘅一員，據佢了解，有民主派向王提出支持陳詩雅。
選舉係不記名投票，到時會支持邊個？王頴思同Emily講「到時你會知」，至於民主派有冇聯絡佢，佢話無可奉告。
陳詩雅2015年曾參選屯門區議會選舉但落敗，2019年轉戰元朗區議會，擊敗時任區議員民建聯黃煒鈴。而鄧賀年係錦田鄉事委員會主席，亦係資深區議員，去年獲政府頒榮譽勳章；2012年梁振英競逐特首時，捲入同江湖人物見面嘅「小桃園飯局」，鄧賀年亦有出席。
更多港聞
【Emily】工聯工作坊 親子放低手機玩即興藝術
【明報專訊】暑假就嚟結束，工聯會趁9月開學前，喺上周六舉辦親子即興藝術（art jamming）工作坊，等家長同小朋友一齊放低手機，享受畫畫... 詳情
【Emily】般咸道官小 「傅科擺」防空洞吸睛
【明報專訊】政府喺上月宣布將港島般咸道官立小學校舍列為法定古蹟，發展局長黃偉綸噚日發表網誌介紹佢嘅建築特色。佢話呢幢建築物有80年歷史，昔日... 詳情
【Emily】同黨友大談湊仔經 羅健熙：我未諗生仔
【明報專訊】民主黨主席羅健熙喺YouTube Channel同黨友徐遠華大談湊仔經，不過其實阿熙仲未結婚，亦笑言未有生仔打算，不過都用自己細... 詳情
【明報專訊】士美菲路兒童遊樂場只得兩個搖搖木馬，中西區議員彭家浩上年喺區議會遞交咗文件，要求部門翻新場地，最重要係翻新時需以「地方營造」模式...
詳情
相關新聞
