【Emily】中國3太空人下月同港青「天地對話」
[2021.08.21] 發表
【明報專訊】3名中國太空人正喺「天宮」太空站執行任務。內地中通社噚日報道，3名太空人聶海勝、劉伯明和湯洪波下月3日將會同本港青少年實時「天地對話」，亦會帶領市民參觀天和核心艙，並回答從本港市民徵集得嚟嘅問題。對航天科技有興趣嘅市民，下周一(23日)起可以到「香港STEM教育聯盟」網站(https://stem-alliance.org.hk)留低問題畀太空人，活動結束後所有參加者會獲贈國家載人航天紀念品一份。
今次活動由中聯辦同特區政府主辦，除咗同喺「天宮」嘅太空人對話，活動仲邀請到中國載人航天工程專家及正喺地面受訓嘅太空人，為香港青少年介紹北京航天飛行控制中心、天宮空間站系統規劃，以及太空人培訓系統。
更多港聞
【Emily】前區議員曾振興離港 稱未儲夠簽證費
【明報專訊】多名民主派區議員上月辭職，唔少人其後都離開香港。屯門區前區議員曾振興前晚喺facebook出post，透露自己已經離開一個月，現... 詳情相關新聞
