【Emily】報業公會頒獎 茂波主禮「失而復得」

2020年香港報業公會最佳新聞獎噚日舉行，《明報》嘅記者、攝記及編輯共獲10獎項，但部分同事噚日要開工或事忙，未能全數出席領獎，由同事代領。左起為記者黃振豪、攝記馮凱鍵同林靄怡、記者陳柔雅同何宛兒、攝記曾憲宗。（蘇智鑫攝）

【明報專訊】香港報業公會2020年香港最佳新聞獎頒獎禮噚日喺1號風球下舉行，Emily嘅同事及同行嘅努力獲得肯定。今次新聞獎中，《明報》共奪得10個獎項，當中最佳新聞報道及最佳圖片(新聞組)都攞到冠軍。《港區國安法》去年6月30日深夜頒布，逾百頁法律條文首次曝光，《明報》港聞同事及編輯與時間競賽，趕喺「死線」前完成詳盡報道，畀讀者全方位了解呢條對香港影響深遠嘅法例，獲得最佳新聞報道冠軍。

明報奪10獎 疫下不設宴

噚日做主禮嘉賓嘅財政司長陳茂波就講笑話，今次體驗咩叫做「打風都打唔甩」，因為頒獎禮原本喺6月28日舉行，但當時佢要上京出席中共建黨百年活動，以為出席唔到頒獎禮，咁啱頒獎禮因黑雨來襲改期，最終都係由佢主禮。傳媒行業過去一年風雨飄搖，陳茂波就話，香港除咗係國際金融中心，亦致力喺「十四五規劃」下同大灣區城市合力，打造成為國際創科中心，過程中自由流動嘅資訊至為重要，又話專業、公正、客觀同持平嘅傳媒，係呢項要素嘅保障，亦係社會大眾嘅需要同期望。

頒獎禮喺金鐘一酒店舉行，報業公會主席甘煥騰就話，以往得獎者都可以食番餐，但今年疫情下只設頒獎儀式，期望明年舉辦時大家可以食餐好。佢話今年有607份參賽作品，水準甚高。

更多港聞

【Emily】工展聽日開 登記抽獎送爆珠口罩

【明報專訊】香港中華廠商聯合會（廠商會）推出「有種?有賞」疫苗獎賞計劃大抽獎，只要年滿18歲同打足兩針新型冠狀病毒疫苗嘅香港居民，用手機登入... 詳情

【Emily】炒龍蝦宴同事 田二少挑戰PB

【明報專訊】政府派首期2000元電子消費券，實政圓桌議員田北辰（田二少）攞咗去買龍蝦等海鮮，仲親自下廚煮「薑葱炒龍蝦」畀同事食，噚日佢將下廚... 詳情

【Emily】遠征北區探訪 葉劉嘆劏房戶「悲慘」

【明報專訊】港澳辦主任夏寶龍早前明言，期望2049年香港住屋問題獲極大改善，告別劏房、籠屋。行會成員、新民黨主席葉劉淑儀早前接獲黨友話，有居... 詳情

【Emily】工聯牛頭角辦市集 助旅業員工開攤

【明報專訊】疫情衝擊經濟下失業率高企，工聯會噚日提出多項建議解決失業問題，包括喺綜援基礎上設立「緊急失業支援計劃」，為失業者提供為期6個月嘅... 詳情