【Emily】工展聽日開 登記抽獎送爆珠口罩
[2021.08.05] 發表
【明報專訊】香港中華廠商聯合會(廠商會)推出「有種?有賞」疫苗獎賞計劃大抽獎，只要年滿18歲同打足兩針新型冠狀病毒疫苗嘅香港居民，用手機登入「e健行」就可以抽獎，贏取超過1300份總值620萬元嘅獎品。首輪抽獎8月18日截止，獎品包括100萬元信用卡免找數簽帳額、七人車等，參加首輪抽獎嘅市民會自動獲發第二輪電子抽獎券，而終極大抽獎9月18日截止，廠商會送出5份價值10萬至100萬元不等嘅信用卡免找數簽帳額，以及其他1300多份禮品。
要入App掃打針二維碼
而「2021工展會購物節」聽日起一連3日喺亞洲國際博覽館舉行，廠商會為鼓勵更多人喺第一輪抽獎截止前登記，凡喺購物節場內登記「e健行」參加抽獎嘅市民，可獲V3D爆珠口罩一盒；場內購物滿100元嘅市民亦可獲取一次額外抽獎機會。
不過，「e健行」登記抽獎唔算方便，要市民掃描疫苗接種紀錄上嘅二維碼外，廠商會為更方便市民登記，近日亦可選擇上傳儲存喺手機內嘅二維碼截圖，或自行填寫接種紀錄嘅參考編號及已接種劑數。
更多港聞
【Emily】遠征北區探訪 葉劉嘆劏房戶「悲慘」
【明報專訊】港澳辦主任夏寶龍早前明言，期望2049年香港住屋問題獲極大改善，告別劏房、籠屋。行會成員、新民黨主席葉劉淑儀早前接獲黨友話，有居... 詳情
【明報專訊】疫情衝擊經濟下失業率高企，工聯會噚日提出多項建議解決失業問題，包括喺綜援基礎上設立「緊急失業支援計劃」，為失業者提供為期6個月嘅...
詳情
相關新聞
