【Emily】高官發帖賀飛魚 林鄭茂波終同框
[2021.07.29] 發表
【明報專訊】奧運開始，一眾高官都投入熱潮，喺社交媒體出帖為港隊打氣，噚日朝早約9點半，何詩蓓勇奪銀牌，財政司長陳茂波喺10:43分出帖恭賀，而前特首梁振英今次都好快，喺10:44分出post話喺北京遙賀何詩蓓為香港取得零的突破。特首林鄭月娥今次唔鬥快，但勝在齊人，下午2:30出文同相，相中有佢及一眾司局長睇何詩蓓比賽嘅直播，仲首次有佢同陳茂波二人一齊睇比賽嘅相片，之前佢哋各自精彩睇比賽。
民政事務局長徐英偉就出網誌，話運動場上競技唔可以只靠運動員，資源都非常重要，政府全力支持運動員備戰東奧，喺2021/22年度透過「精英運動員發展基金」向體院撥款7.37億元，為精英運動員提供訓練，包括直接財政資助、運動科學及醫學、體適能、住宿、膳食、教育同理事業與個人雙向發展支援等。佢話政府對體育嘅資源近年倍增，向體院撥出嘅資源比2012年多3倍幾，精英項目亦由2012年13個增至目前20個，未來亦會有更多項目能達至精英水平。
徐英偉又重提政府斥資購入東京奧運會嘅電視播映權，畀市民可以一齊為國家和香港運動員打氣。
更多港聞
【Emily】海洋公園覓得新CEO 黃嗣輝9?1接棒
【明報專訊】正尋求轉型嘅海洋公園終於搵到新總裁，政府之前「空降」旅遊事務專員黃智祖由5月1日出任公園CEO，為期約6個月，目標在喺呢段時間搵... 詳情相關新聞
