【Emily】憤怒鳥空襲律政中心女律師 律政司建議同事避眼神接觸

律政中心一帶包括下亞厘畢道（圖）等，早前有女律師被雀仔襲擊，律政司內部認真跟進，上月初更向同事發電郵了解受襲情况。（讀者提供）

律政司6月初以網上問卷了解同事受襲情况，Emily噚日上網睇過，其中一條更附圖，叫同事認吓係圖中邊種雀襲擊佢哋，「疑兇」包括鵲鴝（俗稱豬屎渣，左）及紅嘴藍鵲（右）。

【明報專訊】中環律政中心附近有多名律師遇襲！兇徒竟然係……雀仔！話說律政司6月時以「律政中心憤怒鳥攻擊(Angry bird attacks at JP)」為題，發內部電郵畀同事，透露最少5名長髮女律師喺律政中心附近畀雀攻擊，並喺內部做問卷調查了解情况，建議同事避免同雀仔有眼神接觸。有政府中人同Emily講笑：律政司係咪要告啲雀仔。

Emily睇過份問卷，除咗問及受襲嘅日期、時、地及傷勢外，仲想統計各人性別、頭髮長度，以評估雀鳥有冇特定攻擊對象，仲附圖問埋攻擊佢哋嘅雀鳥品種。

漁署話繁殖期野雀較警戒

律政司政務及發展科其後回覆內部，話接獲有關報告，並引述漁護署話，如走近繁殖期嘅野生雀鳥啲蛋、雛鳥，佢哋可能會比較戒備(defensive)，可能會飛近人類，甚至以喙或爪觸碰人類，藉此引導人離開。根據漁護署資訊，有關情况只屬暫時，當雀鳥繁殖期過去就會停止；又建議可以兜路行、避免著鮮色衫、戴帽或者開遮；以及盡快離開原地，但千祈唔好奔跑。

Emily向律政司查詢有幾多職員曾遇襲、傷勢最嚴重係點、傷者可否獲工傷賠償。律政司發言人回覆話收到野生雀鳥喺律政中心一帶出現嘅報告後，已按有關建議提醒同事，會繼續留意情况。

更多港聞

【Emily】葉劉出書 司局長齊到書展拎簽名

【明報專訊】書展正喺會展舉行，行會成員、新民黨主席葉劉淑儀出咗3本書，包括《走向光明》、《臨界點》、《Regina's English Wo... 詳情

【Emily】3歷史建築列法定古蹟 般咸道官小 舊大埔警署 沙頭角協天宮

【明報專訊】政府噚日刊憲，公布古物事務監督根據《古物及古蹟條例》，將位於西營盤嘅般咸道官立小學、舊大埔警署同埋沙頭角協天宮列為法定古蹟。翻查... 詳情