【Emily】李永達當選鴿黨副主席 首務穩軍心
[2021.06.21] 發表
【明報專訊】因為民主派初選案，還押獄中嘅民主黨林卓廷、尹兆堅及胡志偉較早時分別辭去副主席及中委職務。該黨噚日舉行特別會員大會補選，曾擔任黨主席嘅元老李永達「出山」選副主席，佢連同參選中委嘅葵青區議員梁國華、黃大仙區議員張茂清，喺未有競爭下當選。
對於未來工作計劃，李永達同Emily講，目前民主黨面對大風大浪，佢主要嘅工作係穩定軍心，笑言自己作為退休人士，嚟緊會去各區同黨員、區議員傾吓偈。阿達解釋，有風聲提及政府會大規模DQ區議員，佢完全了解區議員嘅擔心，所以要多落區同大家傾偈，等大家穩定啲。
區議員張茂清梁國華當選中委
至於兩名新當選嘅中委，張茂清本身係黃大仙區議員，佢喺去年立法會選舉宣布押後之前，曾報名參選九龍東，當時被視為係胡志偉嘅「Plan B」。佢早前回應Emily查詢時話，都有同胡志偉、黨內兄弟姊妹商討選中委，志偉都支持佢嘅決定。
梁國華係葵青區議員，本身亦係支聯會常委，佢去年6月4日當晚自行去維園悼念，其後被票控參與未經批准集結罪；佢較早時表明唔會認罪，將於11月受審。
更多港聞
【Emily】陳茂波落區了解長者用電子錢包：有高手
【明報專訊】電子消費券下月4日起接受登記，相信市民都期待快啲收到錢。財政司長陳茂波噚日發表網誌，佢話前日出席咗一個社區活動，了解長者使用手機... 詳情
【Emily】容海恩帶女游水排長龍 游得幾個字
【明報專訊】新民黨立法會議員容海恩（Eunice）噚日一早帶大女去維園泳池游水（圖），不過去到大排長龍，佢喺facebook話因為有人數限制... 詳情
飽歷失眠 尖子深造解睡眠奧秘 獲獎學金牛津攻讀神經科學 立志助失眠病人
【明報專訊】香港中文大學生物化學理學士應屆畢業生蕭垚靚憑佳績獲頒獎學金，9月將赴英國牛津大學，修讀神經科學博士課程。她自12歲患有家族遺傳的... 詳情相關新聞
