【Emily】Ig頭炮遊戲 紫荊黨一度刪帖 話「技術問題」 再現後有留言消失
[2021.06.11] 發表
【明報專訊】紫荊黨本周二(8日)開咗個Instagram帳戶，話係「香港首個貼地政黨上線」，仲推出有獎問答比賽，頭炮係估吓全國政協副主席、前特首梁振英會否再選特首。不過，紫荊黨個Ig出完個post半日，就連聲稱係「首個貼地政黨上線」個post都全部收起；至深夜喺Ig限時動態話係技術問題，之後啲post重現番。Emily發現，紫荊黨Ig「小編」有啲回覆已被刪除，例如有網民留言「冇獎問答遊戲，小編點睇『光復香港，時代革命』？」，紫荊黨原本回覆「國安法，尷尬」，帖文重出後呢個回覆已唔見影。
究竟係咩技術問題搞到要一度收起啲post？紫荊黨創辦人之一兼發言人黃秋智「已讀不回」Emily。咁紫荊黨呢個策略吸唔吸引到網民呢？佢哋Ig帳戶開咗兩日粉絲人數不足600，叫大家投票估梁振英會否再選特首嘅post就有約300個留言。
建制網媒批「惡搞post呃like」
建制背景網媒「橙新聞」前晚刊登一篇評論，批評係紫荊黨嘅「貼地」係做惡搞post來呃like，「靠『惡搞』來建黨，實在和他們一直號稱要給社會帶來建設性之類的政治口號並不匹配，令人失望」。
更多港聞
【Emily】派4000白Tee 田北辰提議DIY爸爸節禮物
【明報專訊】今個月20號就係父親節，經營時裝品牌G2000嘅實政圓桌立法會議員田北辰噚日喺facebook話會送出4000件白色T恤，畀大家... 詳情
【明報專訊】民主黨單仲偕上月底因前年「10．1遊行案」判囚14個月、緩刑兩年，根據《區議會條例》會失去區議員資格。單仲偕本身係葵青區議會主席...
詳情
【Emily】何啟明保釋有糭派 街坊：咁要拉多啲
【明報專訊】端午節將至，近日唔少區議員都忙於派糭畀街坊，增添節日氣氛。深水埗區議員、民協何啟明早前因民主派初選案被控顛覆國家政權罪，早前獲准... 詳情
執教通識26年 冀前線教師堅持專業 教協張銳輝提早退休放下教鞭
【明報專訊】2012年起出任教協理事、執教鞭近30年資深通識科教師張銳輝將退下前線，52歲的他「提早退休」。張銳輝昨向本報稱離開主要是個人原... 詳情相關新聞
