【Emily】話議辦已不存在 馮檢基告別支聯
[2021.05.29] 發表
【明報專訊】《港區國安法》下，支聯會成為敏感團體，近期相繼有區議員同團體退出，最新退出嘅包括民協前成員馮檢基。阿基日前向支聯會秘書蔡耀昌致函，同支聯會分手。阿基話近日收到唔少傳媒查詢，問佢「馮檢基議員辦事處」仲係唔係支聯會成員。阿基話2016年10月1日開始已唔係議員，「馮檢基議員辦事處」實質上同法理上已不存在，若果有人仍然公開使用「馮檢基議員辦事處」係失實，係唔應該，所以向蔡耀昌表明立場，話議辦「已不存在！煩勞之處，請諒！」
話傳媒問「馮檢基議員辦事處」
仲係唔係支聯會成員
除咗阿基，據《蘋果日報》報道，元朗區議會副主席麥業成亦因擔心「踩紅線」而退出支聯會，民主黨程張迎、公民黨陳琬琛同黎志強，與及梁耀忠等，之前亦已退出支聯會。
全國僑聯副主席盧文端日前撰文，提醒泛民從政者，唔單止唔好參加支聯會，仲應該盡快退出支聯會組織，以免斷送政治前途，形容呢個係善意嘅「溫馨提示」。
更多港聞
【Emily】明年三個機會 連放至少9日假 農曆新年 勞動節 聖誕節
【明報專訊】打工仔請假攻略嚟嘞！政府公布2022年公眾假期「紅日」，當中除咗復活節4日假期由4月15日放到18日，出年嘅農曆年初一至三「紅日... 詳情相關新聞
