【Emily】林太：盼港青去海南食海南雞飯 陳沛然抽水：瑞士雞翼來自瑞士
[2021.04.22] 發表
【明報專訊】海南雞飯到底係咪來自海南？噚日社交媒體突然熱烈討論其起源，皆因特首林鄭月娥(圖)出席博鰲亞洲論壇後，喺facebook透露海南省領導向佢主動提出，喺海南為香港青年提供就業創業機會，令佢好感動，希望好快見到香港青年去海南實習、創業，「享受椰林樹影和港人喜愛的海南雞飯！」
感動海南省主動為港青提供機會
帖文一出，有網民提林太話海南雞飯係星馬菜式，有人取笑佢「幾時去波羅的海食個菠蘿包」、「鑽石山唔通出產鑽石咩」。連醫學界立法會議員陳沛然都參一腳，話「揚州炒飯來自揚州，福建炒飯來自福建；廈門炒米來自廈門，上海粗炒來自上海，葡國雞飯來自葡國，瑞士雞翼來自瑞士。自古以來，一定係，除非唔係」，話去海南島食海南雞飯十分合理。
咁到底海南雞飯係邊度名菜？「天天海南雞飯」行政總裁Charles同Emily講，海南雞飯的確係出自海南，但係去到外國先出名。佢解釋，當年好多海南人去星馬一帶做苦力，煮海南雞飯愈嚟愈出色，結果變成星馬菜式。
大廚：源自海南外國成名 做法有別星馬
佢話海南雞飯喺海南都係名菜，但做法有別，舉例星馬會浸冰水、海南就主要熱食，加上海南用嘅係食椰子大、皮最薄嘅文昌雞，新加坡就冇文昌雞，所以好多海南人都話，其實新加坡嘅海南雞飯先唔正宗喎。
更多港聞
【Emily】陳日君為612拍片 籲用機警方法捐款
【明報專訊】反修例示威相關案件接連上法庭，「612人道支援基金」呼籲市民捐款支援被捕者；基金4月份目標籌集1500萬元，截至噚日籌得約920... 詳情
【Emily】半億元觀塘音樂噴泉今啟用 設互動區
【明報專訊】造價5000萬元嘅觀塘海濱音樂噴泉今日啟用，民政事務總署話，整個項目佔地3740平方米，包括音樂噴泉、互動嬉水區及休憩草地，以電... 詳情
【Emily】竹林貼紙蓋「連儂牆」 區議員嘆粉飾太平
【明報專訊】2019年反修例示威告一段落，當時嘅痕迹亦逐漸消失。近日多區當日有「連儂牆」嘅地方，都被貼上竹林貼紙，好似粉嶺馬會道迴旋處下嘅行... 詳情
【明報專訊】立法會前議員羅冠聰去年喺《港區國安法》生效前流亡英國，近日獲批政治庇護。佢早前接受有線新聞專訪，憶述當日離開只係帶走一個背囊、一...
詳情
【明報專訊】全國人大常委會去年8月作《決定》，延長第六屆立法會繼續履職不少於一年，至第七屆立法會選舉為止，民主派總辭；41名建制派議員、醫學...
詳情
相關新聞
