【Emily】不滿裁員 區議員新服務：教街坊cut有線
[2020.12.03] 發表
【明報專訊】有線新聞日前裁員觸發新聞部員工集體請辭，唔少人表明要「cut有線」表達不滿，有民主派區議員甚至幫街坊手cut台。話說民主黨「民主青年」前日喺facebook上載一疊終止或凍結有線電視帳戶申請表格，仲問網民「有冇人想要多一份跟機？」觀塘區議員鄭景陽分享咗該post，講明如果有意cut有線，可以去辦公室搵佢。
觀塘區議員王偉麟就分享點樣網上cut有線，包括google搜尋「cut有線」、進入有線用戶登入畫面，登入並撳「終止服務」就得，仲上載埋每個步驟嘅截圖。
鍾錦麟：高層擁抱大灣區「由他吧」
此外，亦有唔少人分享對有線新聞嘅記憶點滴。西貢區議會主席鍾錦麟自言屋企電視長播有線新聞，又形容自己係「麻煩的觀眾」，經常向有線員工反映、希望更正不準確嘅內容，包括報道錯用西貢區議員照片，甚至曾更正話陳同佳唔係365日未返台灣自首，而係366日。
鍾錦麟形容，喺呢個乜都講求速度嘅世界，有線新聞堅持畀觀眾思考空間，「令人憤怒的，是高層對苦苦維持這個台的人不尊重」。佢話有線新聞自啟播以來代表一個時代、代表香港一段歷史，對於高層要擁抱大灣區、專訪特首林鄭月娥同警務處長鄧炳強，「便由他吧，反正我無續約，平日又幫落好多人cut有線」。
更多港聞
【Emily】林煥光談青年溝通：千祈唔好先講政治
【明報專訊】青年課題講咗多年，喺社會對立下，行政會議前召集人林煥光（圖）近日出席恒生大學傳播學院嘅訪談節目《恒傳感言》，大談同青年溝通之道。... 詳情
【Emily】孖田北俊食漢堡 田二少：阿哥，我不想努力了
【明報專訊】疫情再趨嚴峻，政府亦將限聚令收緊至兩人，實政圓桌田北辰噚日就喺facebook上載相片，原來佢同阿哥、自由黨榮譽主席田北俊噚日去... 詳情
【Emily】港大IG濾鏡 畢業生「置身」校園
【明報專訊】畢業禮係人生重要一頁，可惜今年有疫情，親朋好友無得一齊見證畢業生拋四方帽一刻。港大今日舉行網上畢業禮，會上將播放校友及各界道賀短... 詳情
中大研究：高中生升學 最聽媽媽話 四成人受父母影響 拋離生涯規劃教師
【明報專訊】學校近年積極推動生涯規劃教育，助學生了解興趣及升學路向。不過，中文大學教育學院昨日發布最新調查，發現近三成受訪高中生認為母親是最... 詳情相關新聞
