【Emily】談青年無力感 沈祖堯：例如樓價
[2020.11.13] 發表
【明報專訊】香港經歷社會運動同疫情，畀負能量籠罩。中大前校長沈祖堯喺香港恒生大學傳播學院節目《恒傳感言》話，成日聽到時下年輕人講「無力感」、「無助」等，佢話「無力感」源於年輕人無法改變社會現狀，例如面對超出負擔嘅樓價問題，往往令年輕人感覺無力。佢寄語年輕人與其將人生目標聚焦喺幾塊「磚頭」，不如放眼世界，到其他地方闖一番事業，人生可能更充實。
節目主持問佢點感染年輕人，沈祖堯笑住話自己都唔知，但一定唔可以居高臨下咁同佢哋傾，佢做校長時都放下身段同學生一齊。主持亦提到，2014年沈祖堯同時任港大校長馬斐森去佔領現場探學生，場面好深刻。沈祖堯話，馬斐森同佢當晚都收到學生會同學來電，話好擔心控制唔到場面，驚有衝突、流血事件，佢同馬斐森傾過，如果唔去勸學生，萬一有一人犧牲、受傷，成世都過唔到自己嗰關。
話過檔新加坡唔係移民
沈祖堯明年3月就會去新加坡南洋理工大學擔任醫學院院長兼高級副校長，佢強調唔係移民，家人會喺香港。佢希望集中研究結合人工智能同醫學，將來帶經驗返香港。
更多港聞
【明報專訊】喺《公民權利和政治權利國際公約》之下，香港政府要定期向聯合國交報告，本身下周一嘅立法會政制事務委員會就呢件事搞公聽會，點知委員會...
詳情
【明報專訊】中西區區議員葉錦龍噚日喺fb話，當區區議會批准咗8個研究項目，但畀民政事務總署以行政手段抽起，包括保育中環郵政總局研究項目、改建...
詳情
【Emily】500年機械人發展 科學館有得睇
【明報專訊】鍾意機械人嘅市民放假又多個好去處。香港科學館今日起到明年4月14日舉行「機械人的五百年」展覽，透過展出超過100組機械人藏品，呈... 詳情相關新聞
