【Emily】爭做IT委會主席 何君堯嗌DQ莫乃光
[2020.10.24] 發表
【明報專訊】立法會多個事務委員會先後選出正、副主席，不過，由資訊科技界議員莫乃光主持選舉嘅資訊科技及廣播事務委員會、民主黨鄺俊宇主持嘅福利事務委員會，噚日再開會都未能選出主席。建制派何君堯競逐資訊科技及廣播事務委員會主席，佢噚日喺會上話莫乃光編排表面公平、實際上不公正，話如果下個會議都未選出主席，會敦請立法會主席梁君彥革除佢資格，「簡單講句，係DQ你」。
何叫黃碧雲「八婆」
尹兆堅：叫你「九公」得唔得？
何君堯喺會上話民主黨黃碧雲「八婆」，被指構成冒犯，何君堯解釋話，佢以為黃碧雲喺參選名單排第8、點知原來佢排11，「佢應該係十一婆」，話會收番言論；黃碧雲要求佢道歉。民主黨尹兆堅就話，「我睇錯何君堯係9號、叫佢九公，得唔得先？」莫乃光就話不能接受何君堯辯解，但既然佢收回言論，希望可以喺會議室外處理道歉事宜。
福利事務委員會同未選出主席
至於福利事務委員會，會上多名民主派議員互相提名、其後退選，仲大讚社福界議員邵家臻好。民主黨許智峯就話，最初參選係想挑戰蔣麗芸，形容佢做教育事務委員會主席時好似「無掩雞籠」咁，但認為都係邵家臻好啲，所以決定退選。
更多港聞
【明報專訊】對於兩元乘車優惠計劃門檻降至60歲，日前有報道話政府可能會推遲落實，引發民建聯、工聯會等建制派非常不滿，有議員更聲言政府應重新考...
詳情
【Emily】《再說皇都》網上研討會 頭炮細說北角
【明報專訊】68年歷史、屬一級歷史建築物嘅北角皇都戲院，係北角同香港娛樂文化地標，早前被申請強制拍賣，近日由新世界發展投得，將展開保育同復修... 詳情相關新聞
