【Emily】民協等發起 聯署邀袁國勇 視察疫廈解謎
[2020.08.11] 發表
【明報專訊】新冠病毒疫情持續，深水埗鴻裕大廈A座喺第三波疫情至今有13人確診，民協、長沙灣社區發展力量、鴻裕大廈關注組日前發起聯署，邀請港大微生物學系講座教授袁國勇帶同衛生署、屋宇署等檢測人員去視察，搵出大廈變疫廈嘅原因。民協何啟明同Emily講，袁教授暫時都係將個案轉介畀衛生防護中心處理。
聯署話，大廈部分確診者係屬不同樓層嘅同一座向單位，加上大廈早前展開喉管更新工程，好多大廈住戶懷疑渠管嘅安全性；不過未能接觸法團相關嘅人，而衛生署都有建議管理處應清潔消毒大廈公用地方及各樓層，但法團不作為對防疫工作負面影響非常大，雖然管理處早前聲稱做「霧化深層清潔」，但整體衛生情况仍然令人擔憂。
何啟明批政府冇支援
何啟明話，居民普遍憂慮大廈爆疫係關天井、喉管事，所以希望當局調查，並指連帶附近大廈確診個案，同一條街內都有接近20宗個案，即使佢唔係專家，但連普通市民都認為有「景轟」，希望可以堵截源頭。佢又批評政府冇任何支援，質疑係咪真係「同心抗疫」。
更多港聞
相關新聞
