【Emily】梁卓偉籲港人 疫情下要苦中作樂

港大醫學院院長梁卓偉接受馬會《駿步人生》訪問，佢話疫情下要身心健康，就要懂得苦中作樂。（馬會提供）

【明報專訊】疫情嚴峻，社會活動接近停擺，港大醫學院院長梁卓偉最近接受馬會《駿步人生》訪問，提到疫情下亦要調整生活，以往佢會去健身室做運動，𠵱家只能每日行樓梯；又話每星期雖然只買一次餸，但菜、肉、魚統統買齊，當成「舉鐵」訓練，提醒港人面對持續超過半年嘅疫情，要做到身心健康，就要識苦中作樂，仲要發揮「阿Q精神」，而佢自己早就練成咗呢門技能，識得挖苦自己，苦嘅時候搵朋友傾訴，開心嘅時候唔好太得意忘形，佢話香港人喺呢方面係好強嘅。

話早練成阿Q技能 懂得自嘲

馬會事務執行總監譚志源做訪問客席嘉賓，佢同梁卓偉都做過特首辦主任，兩人聚頭就互碰手肘，訪問短片最後更有「彩蛋」，播出兩人合唱幾句《難為正邪定分界》。

梁卓偉喺訪問話，佢曾經喺其他訪問提到生活要「hea」，唔好太過規劃，譚志源問佢有無實踐，梁似胸有成竹咁話，好多朋友送咗唔少關於點「hea」嘅書畀佢，結果佢「hea」到連書都無揭開過。梁卓偉話自己喜歡工作，以致工作多、生活少，其實未夠健康，所以係有待進步。

更多港聞

昔拒政治入校園 今思共存 退休獅子會校長林日豐：盼保護學生勿崩潰

【明報專訊】在教育界35年、當中22年校長光景，聚焦看退休前這年，社會運動及疫情充斥，尋常日子添了些起伏。獅子會中學校長林日豐回顧這年，試過... 詳情

年少貪玩需留級 發憤負笈成材

【明報專訊】威嚴的校長，從前是個貪玩少年。獅子會中學校長林日豐曾因無心向學，被校方勒令中四留級，他尋覓方向時想要出國讀書，家庭縱拮据父親也滿... 詳情

教大三字經有聲書贈全港小學

【明報專訊】「人之初 性本善」《三字經》涵蓋歷史文化知識、傳統倫理思想，被視為兒童啟蒙教材。香港教育大學中國語言學系研究團隊，2018年獲優... 詳情