【Emily】話睇報道先知手震 聶德權：問過醫生身體健康
[2020.05.05] 發表
【明報專訊】公務員事務局長聶德權轉職後首次見記者時，被發現雙手抖震，大家都好關心佢嘅健康；佢噚日出席立法會公務員及資助機構員工事務委員會會議後見記者，雙手一直放前面，無好似上次咁手放背後抖震。有記者問佢健康狀况，聶德權多謝大家關心，話喺報道出咗後，佢先發現有手震呢個現象，「這個與我緊張各方面相信無關係，亦已問過醫生，身體健康」。
公務員噚日大致全面復工及恢復服務，聶德權都有去巡視部分部門運作，話各部門情况大致暢順，而政府大樓同場地亦實施各種預防感染措施，包括入口處為進入者量度體溫、提供酒精搓手液等。
稱僅3%公務員「在家工作」
佢又話，之前公務員在家工作安排，部分係由以往一星期5天返寫字樓，變成可能係有「roster」，輪值返回辦公室3次，所以過去嘅時間，如計埋所謂輪值安排，基本上只有大約3％公務員真正在家工作而無返寫字樓。
更多港聞
【Emily】明報潘樂陶偵查報道 奪恒大商業新聞銀獎
【明報專訊】由香港恒生大學舉辦嘅第四屆「恒大商業新聞獎」，大會話今年收到超過500份參賽作品，反應十分熱烈，但因應新冠病毒疫情，今年改為網上... 詳情
題目直白 中文閱讀卷死亡不再 教師：兼顧不同能力 毋須「揣摩」答案
【明報專訊】中學文憑試（DSE）中文科昨日開考，逾4.7萬人應考。卷一閱讀能力有兩篇閱讀篇章，包括台灣作家利格拉樂?阿烏所著、抒發對父母感情... 詳情
相關新聞
