【Emily】民署強烈勸喻拆「藍絲與狗」告示 將投訴轉區會跟進
[2020.03.18] 發表
【明報專訊】深水埗區議員李文浩同公民黨劉家衡喺聯合辦事處門外張貼「藍絲與狗不得內進」告示，惹來爭議。民政事務總署噚日公開發聲明，指近日收到大量相關投訴，署方已經發信畀有關議員，強烈勸喻佢哋盡快移除告示；署方並稱已經將投訴轉介深水埗區議會主席跟進。深水埗區議會主席、民協楊彧話，會根據會議常規處理。
過半數贊成方可動議警告譴責
按照《深水埗區議會常規》，要有過半數區議員支持先可以動議警告或譴責有關議員。現時民主派壟斷咗深水埗區議會，當區目前得兩個建制派議員，換言之，無咩可能可以動議警告李文浩同劉家衡。
民政總署發言人話，希望深水埗區議會秉公處理，確保議員嘅言行唔會危及或者損害其個人誠信、公正、客觀判斷力或履行職務嘅能力，令區議會信譽受損。
楊彧回應話，深信各深水埗區議員有足夠智慧判斷有關行為係咪有負市民期望及會否令區議會信譽受損；如果有人認為有區議員違反操守指引，可啟動《深水埗區議會常規》第45條，動議警告或譴責議員。佢話，如有超過一半議員認為李文浩同劉家衡嘅行為有違操守指引，並按上述第45條聯署動議有關議案，佢就會根據會議常規處理。
更多港聞
【明報專訊】反修例運動下警民關係緊張，有組織罪案及三合會調查科（O記）高級警司李桂華喺之前成日出席警方4點鐘記者會，唔少人都認得佢個樣，噚日...
詳情
【Emily】口罩廠開幕 林健鋒落淚：見工商界承擔
【明報專訊】身兼行政會議成員嘅經民聯立法會議員林健鋒同工商界投入過千萬元，成立口罩生產線「CareHK匯愛」，生產線噚日開幕，預計4月就可以... 詳情
相關新聞
