【Emily】泛民想邱騰華做特首？ 卿姐澄清紐時報道
[2019.09.06] 發表
【明報專訊】反修例風波至今不時傳出特首林鄭月娥有意辭職，林太縱已否認，仍引發政圈不時討論接任人或下屆特首人選。《紐約時報》亦盤點潛在人選，並引述民主黨前主席劉慧卿話，泛民想北京揀商經局長邱騰華做特首，卿姐噚日就澄清報道不正確。
《紐約時報》日前一篇報道列出多個有可能「跑馬仔」接任特首嘅人選，仲逐個查詢回應。被報道形容係最受北京青睞嘅財政司長陳茂波，拒絕接受訪問；政務司長張建宗亦拒訪，只係話唔回應推測問題，會一如既往全心全意服務港人。行政會議召集人陳智思回應《紐時》話自己有生意要做，「不願意放棄生意」；全國政協常委唐英年透過發言人話佢支持林太，無意再爭取做特首。
稱無資格代泛民就此發言
報道引述卿姐話，民主派希望北京揀邱騰華做特首，但邱騰華就回應「不想」，並認為自己係行政人員(administrator)。卿姐噚日喺facebook特別澄清報道不正確，指8月20日喺外國記者會遇到撰寫報道嘅紐時記者，閒談中提到數名傳媒報道可能成為特首嘅人選，當中包括邱騰華。
卿姐強調從未得悉民主派人士希望北京揀邱騰華做特首，更加冇資格代表民主派就此事發言。
更多港聞
【Emily】晚晚抬棺破地獄 哈囉喂恐怖機關藏廁所
【明報專訊】海洋公園一年一度嘅「哈囉喂」喺10月4日至31日舉行，將恐怖氣氛延伸屋外，園區設有六大鬼域。今年比舊年夜收一個鐘，可以玩到12點... 詳情
【明報專訊】反修例風波未止，部分區嘅區議會亦因此開唔成。其中噚日大埔區議會大會，原定討論對主席黃碧嬌嘅不信任動議，議程未正式開波，旁聽席就有...
詳情
【明報專訊】政府唔少長者政策都訂喺65歲甚至更高年齡先有資格申請，其中長者卡就要到65歲先可以申請；民建聯近日就喺社區舉辦簽名活動，爭取新設...
詳情
恒大學生會長：11同學被捕 開學禮致辭 稱不少同窗為愛參與抗爭
【明報專訊】反修例風波下，新學年多間大學未有舉辦全體新生開學禮，香港恒生大學昨日如期舉行。有學生典禮途中高喊「光復香港，時代革命」及「五大訴... 詳情
相關新聞
