【Emily】60至64歲攞得 民建聯倡設銀齡卡
[2019.09.06] 發表
【明報專訊】政府唔少長者政策都訂喺65歲甚至更高年齡先有資格申請，其中長者卡就要到65歲先可以申請；民建聯近日就喺社區舉辦簽名活動，爭取新設60至64歲銀齡卡，希望政府進一步保障60至64歲「銀齡一族」嘅生活。
盼可享長者卡一樣優惠
民建聯噚日喺牛頭角舉辦簽名活動，佢哋話基於政府對「長者」定義，唔少政策同優惠對60至64歲市民都唔適用，但佢哋現時都好難喺市場繼續工作，希望社會可以支援吓。
佢哋建議喺現行長者卡外新設銀齡卡，令60至64歲市民可以申請，可享長者卡一樣嘅優惠，包括畀佢哋享用兩蚊或半價乘車乘船優惠、申領長者醫療券等，又呼籲公共運輸機構及商號為銀齡卡持有人提供更多優惠和優先服務等。
更多港聞
恒大學生會長：11同學被捕 開學禮致辭 稱不少同窗為愛參與抗爭
【明報專訊】反修例風波下，新學年多間大學未有舉辦全體新生開學禮，香港恒生大學昨日如期舉行。有學生典禮途中高喊「光復香港，時代革命」及「五大訴... 詳情
相關新聞
