牛棚藝術公園 局長推介洗滌心靈

政府正活化「牛棚」後方用地成為公園，當中昔日牲口棚嘅紅磚柱有啲已傾斜或倒下，建築團隊用鋼架穩固磚柱，鋪埋行人板道，設計成遺蹟公園咁。（發展局圖片）

【明報專訊】1908年落成嘅二級歷史建築、俗稱「牛棚」嘅前馬頭角牲畜檢疫站，其中前方已改建為牛棚藝術村，成為唔少文青聚腳地，至於後方佔地約6000平方米嘅用地，政府正活化為「牛棚藝術公園」，發展局長黃偉綸噚日喺網誌話 ，預計今年中完工，公園除咗有大片綠油油草坪，仲保留咗唔少昔日牛棚嘅原址特色。

今年中完工 保留昔日特色

負責活化工程嘅建築署高級建築師勞志成話，建築團隊盡量保存原址元素，例如牲口餵飼槽、飲水池，同用嚟繫住牲畜嘅鐵環等，從而呈現昔日牛棚後方嘅光景；至於牛棚嘅鐵欄就重新安裝，用上以金屬片切割出嚟嘅牛、豬等模樣，以反映牛棚飼養過唔同牲畜。

牛棚後方用地上仲有一塊大石，勞志成話據講呢塊大石叫「大石鼓」，當年每日清晨，牛嘅買手就喺呢塊大石後競價，係牛棚內極為重要嘅位置。至於昔日牛棚後方嘅牲口棚，當年係以紅磚或者石屎做柱，用嚟支撑屋頂，隨住年月洗禮，現時只剩低一條條紅磚柱，有啲紅磚柱更因結構問題傾斜或倒下，團隊於是用鋼架鞏固磚柱，仲鋪埋行人板道，設計成遺蹟公園咁樣。

黃偉綸話，未來政府會喺新山道行人天橋新起嘅升降機加設出入口，方便市民前往牛棚，希望牛棚會成為市民洗滌心靈同休閒嘅好去處。

更多港聞

天灑雨，人潑水

【明報專訊】全年唯一玩水唔會畀人鬧嘅日子，「香港潑水節2019」嘅水戰派對噚日喺九龍城舉行，雖然天色麻麻，唔知係咪天公都想潑吓水，但都無阻眾... 詳情

教協引述消息：沙呂小校長稱留任兩年

【明報專訊】浸信會沙田圍呂明才小學澳洲遊學團帳目風波，校方的獨立調查小組上周四（11日）公開報告摘要，否認校長及教師挪用公款。教協昨引消息指... 詳情

赴法「做苦工」啟發 酒商推大專生酒莊實習

【明報專訊】「日日彎低個身，好幾百次，摘提子、剪葡萄樹，還要揹着提子放回車，等人運回去酒莊造酒」，本港知名葡萄酒商大亞國際集團董事總經理龐建... 詳情

海洋公園保育教材 教幼童走飲管

【明報專訊】「如果在北極的冰川融化了，會對極地的動物有什麼影響？ 」海洋公園推出以自然保育為主題的幼稚園保育教材，有圖書、教案及工作紙，教導... 詳情