幾組賽事一條隊 有人排3個鐘 渣馬派選手包 馬拉松式排隊

渣馬跑手噚日起一連四日可以去維園攞跑手包同跑衫，但唔少跑手批評未有安排分組排隊，以致大排長龍，要個幾兩個鐘先攞到，安排混亂。大會就話計劃今日起進一步增加派發人手，並調整人手分配安排，希望縮短等候時間。（讀者劉小姐提供）

【明報專訊】周日(17日)就係一年一度嘅渣打馬拉松，噚日起一連四日跑手可以去維園攞跑手包同跑衣，但Emily聽聞唔少跑手「鬧爆」今年安排，有跑手喺社交網站話，今年有「特別安排」，全馬、半馬、10公里都只得「一條龍」，未有分組排隊，加上攞跑衫又要排過，如果排隊時候發現電郵未有二維碼，又要去詢問處處理，有人排咗3個鐘先完成。有跑手形容「慘過排急症室」、「曬足個幾鐘，非常失敗嘅安排」、「10公里完賽都仲未攞到(跑手包)」。

大會致歉 今起增派人手

跑手未開跑先要考腳力，Emily問過渣馬大會，大會噚晚深夜回覆，至昨晚9時許，已有逾2.1萬名參加者到場領選手包，對有跑手需等候較長時間才能領取跑手包及跑衣一事致歉，多謝大家忍耐同體諒，今日會增派人手處理。另外，政制及內地事務局長聶德權噚日喺社交網站上載短片，同民建聯立法會議員鄭泳舜練跑，局長話佢過去跑咗3年10公里、兩年半馬，今年第三次迎戰半馬為香港防癌會籌款，每周練跑一次，大概1個鐘，佢話按目前狀態，「最後7000(7公里)要休息」，但抱住享受過程、志在參與嘅心態去跑。鄭泳舜就話自己跑咗5、6年渣馬，今年將迎戰10公里賽事，佢仲畀咗「貼士」啲跑手，記住呢幾日要食清淡啲，如果跑全馬就要補充多啲澱粉質。

更多港聞

為睇同事病假紙 波哥夜校學中醫

【明報專訊】保險界議員陳健波一向注重身體，不時拍短片分享養生之道，原來波哥唔係單靠民間智慧，真係有相關知識！「建制派六人組（G6）」噚日舉行... 詳情

會有人重點招呼 葉劉戰區會怕翻船「好驚」

【明報專訊】新民黨噚日舉行新春傳媒茶敘，主席葉劉淑儀同一眾領導層帶埋10幾個區議員同社區主任出席。政界盛傳葉太今年會出戰區議會，以備明年轉戰... 詳情

燈光展打卡 情人節放閃換領愛情鎖

【明報專訊】今日情人節，唔少人會外出慶祝影相放閃，旅發局喺中環海濱嘅打卡熱點「國際燈光藝術展」，就會特別加推浪漫愛情鎖活動，大家喺今日下晝5... 詳情

改革開放同年成親 林健鋒結婚周年易記

【明報專訊】經民聯行政會議成員林健鋒（Jeffrey）啱啱同家人去日本旅遊5日，過咗個白色農曆新年假期，主要目的係同家人一齊慶祝結婚41周年... 詳情

秀才創校 詩詞文選傳承85年 鐘聲高小教古文 學修辭德育

【明報專訊】去年中學文憑試（DSE）中文科開始重考範文，學生紛紛重拾詩詞歌賦。全港首間政府資助小學、位於元朗的鐘聲學校，高小已開始用故事形式... 詳情