小孩學正向品格 同楊潤雄畫壁畫
[2019.01.17] 發表
【明報專訊】近年學童情緒問題備受社會關注，教育局長楊潤雄日前就去咗舊年9月先啟用嘅灣仔聖雅各福群會「正向品格教育館」，了解一下館入面推廣正向教育嘅工作，仲同小朋友一齊畫壁畫同玩遊戲。教育館為咗推廣正向品格，創造咗10個果籽，以不同水果代表不同特質，好似蘋果係正向情緒、菠蘿係抗逆力、椰子係堅毅等。
楊潤雄噚日就喺facebook發帖大讚，話社區都有唔少好有心思嘅計劃，仲好欣賞呢10種果籽，成功吸引到小朋友學習正向品格喎。佢話從小培養小朋友正向嘅品格，日後一定終身受用，形容就好似「春天播種，秋天收成」一樣。
教育館係由聖雅各福群會同陳廷驊基金會合作，希望透過藝術創作等體驗活動，讓小朋友發現同鍛煉個人品格。
更多港聞
【明報專訊】新民黨立法會議員容海恩腹大便便，喺立法會步履尚算輕盈，下星期就會開刀分娩，唔少人不時同佢討論懷孕心得。噚日經民聯議員梁美芬一見到...
詳情
小一派位下周收表 人數料跌16% 12校網「加派」需大班教學
【明報專訊】9月入讀小一的「統一派位」申請於本月26及27日（周六及周日）收表，「龍年效應」過後，升小學童人口回落，教育局料參與派位的整體人... 詳情
相關新聞
