「放下心頭石」 羅冠聰畢業了
[2019.01.16] 發表
【明報專訊】現年25歲嘅香港眾志常委羅冠聰，由於要參加大小社運，經過6個學年終於喺嶺南大學文化研究系修畢學士課程。阿聰噚日喺facebook貼出學校通知，話佢已經完成學位嘅相關課程，2月會公布榮譽等級，唔少網民留言恭喜，有人叫佢快啲影畢業相。對於順利畢業，阿聰向Emily形容係「放下心頭大石」，透露考慮報讀碩士課程，但強調未有最終決定。
阿聰喺2014年佔領運動以學聯常委身分與時任政務司長林鄭月娥對話，於2016年當選立法會議員，直至2017年被取消資格前，做咗大半年議員。佢喺facebook透露，自己2017年仍在任議員時，修讀「政治科學入門」暑期課程，結果只得「B-」成績，「證明學府同現實都唔係幾關事」。
更多港聞
教大削文科大增STEAM學額 小學數學升3倍 中史歷史隔年開
【明報專訊】近年社會常提起STEAM教育（即科學、技術、工程、藝術及數學），教育大學因應政府人力資源分析，2019/20學年大幅增加有關學科... 詳情
相關新聞
