林鄭問0電費局長：真係可以唔開冷氣？
[2019.01.11] 發表
【明報專訊】環境局長黃錦星不時公開電費單證明自己好慳電，啱啱上年12月嘅電費單，星星局長完全唔使畀電費，林超英都唔夠佢嚟。特首林鄭月娥喺呢方面都唔夠星星局長勁，噚日喺答問大會被問到環保政策時，林太都不禁問黃錦星：「你真係可以唔使開冷氣？」
民建聯葛珮帆噚日問林太廢物徵費下要如何解決非法棄置問題，林太話，每個環保政策最大嘅難度係要每個市民做到生活上嘅改變，「有時我都問黃錦星，你真係可以唔使開冷氣？真係有時熱到都瞓唔到，咁點樣可以唔使開冷氣呢？」星星局長聽到都笑咗一下。
睇番黃局長之前公開嘅電費單，其實佢都唔係完全唔開冷氣嘅，好似上年6月初至7月初就用咗差唔多190度電，佢當時話因為熱，開多咗冷氣先會咁，屋企有規定28℃以上先可以開冷氣。
更多港聞
相關新聞
