聖誕或27年來最暖 大棠紅葉開始紅

Emily噚日去咗大棠，只見楓香林內有幾棵楓香樹樹葉已經轉紅，但有幾棵先啱啱轉色。（曾憲宗攝）

【明報專訊】本港經歷約一個星期低溫後，天文台預測本周氣溫會逐漸回升，去到聖誕節(下周二)最高氣溫更加會有23℃，意味或會成為27年來最高溫嘅聖誕節。而元朗大棠嘅紅葉亦都開始紅喇，Emily噚日去咗大棠睇過，有幾棵楓香樹嘅樹葉已經轉紅，但有幾棵先啱啱轉色，不過已經吸引到唔少人去影相打卡。

天文台預測，一股東北季候風正影響華南沿岸，今日天晴乾燥，市區最低氣溫約16℃，新界再低兩三度。星期六就係冬至，當日氣溫介乎20℃至23℃，睇嚟今年冬至都會暖笠笠喇。

天文台預測，下周一平安夜，短暫時間有陽光，氣溫18℃至21℃；聖誕節部分時間有陽光，最低氣溫19℃，最高達23℃。翻查資料，1991年嘅聖誕節，最高氣溫有成24.2℃，按照預測，今年有可能會係27年來最溫暖嘅聖誕節。而天文台有紀錄以嚟最高溫嘅聖誕節就係1932年嘅25.8℃。

雖然今年12月比較和暖，但漁護署上星期五已經更新咗大棠嘅紅葉指數到「B至C級」，B級即係「開始紅」。翻查資料，舊年聖誕前大棠嘅紅葉已開始進入A級「極紅」。

更多港聞

楊潤雄拍片 祝學生有智慧假期

【明報專訊】聖誕節就到，好多小朋友都好期待。教育局今年再宣傳，話長假期希望同學仔可以喺假期同學習之間攞一個平衡，要學得「精」，又可以同時玩得... 詳情

工聯會社區藥房 荃灣開幕

【明報專訊】工聯會屬下嘅「工人醫療所」一向有唔少醫療服務機構，包括中西醫、牙科診所，甚至X光化驗所同聽力測驗中心，𠵱家佢哋又再開多瓣，做埋... 詳情

鄧家彪隔空反駁 「馬前卒」批評

【明報專訊】華為首席財務官孟晚舟早前被加拿大當局應美國政府要求拘捕，香港唔少建制派隨即爭相聲援，工聯會更去美國駐港總領事館抗議，並拳打腳踢戴... 詳情

逾8%中學生 交友App收過裸照 社工：網上交友戒心低 有12歲童傳性感照

【明報專訊】中學生喜歡以手機與朋輩溝通，亦常以交友程式結識新朋友。有團體調查1900名中學生，有47%人試過網上交友。即使只在網上交流也有風... 詳情

申請者資料網上可尋 播道致歉認意識不足

【明報專訊】家長為子女報讀小學並遞交申請表時，有否想過申請表在網上會被查閱到，被一覽無遺子女個人及家庭資料包括身分證號碼等？直資小學播道書院... 詳情