工聯會社區藥房 荃灣開幕
[2018.12.17] 發表
【明報專訊】工聯會屬下嘅「工人醫療所」一向有唔少醫療服務機構，包括中西醫、牙科診所，甚至X光化驗所同聽力測驗中心，𠵱家佢哋又再開多瓣，做埋社區藥房，話想為社區提供更完善嘅基層醫療服務。噚日嘅開幕儀式，食物及衛生局長陳肇始都畀面做主禮嘉賓，同其他工聯會高層一齊剪綵慶賀開業。
事後工聯會會長吳秋北仲喺facebook出帖文，話「康盈坊社區藥房」係非牟利性質配售醫生處方自費藥物，想紓緩長期病患者嘅經濟壓力。另外亦有保健品、醫療及護理用品賣，特定時間仲會有註冊藥劑師嘅諮詢服務。藥房位於荃灣，同工聯會診所相連，想結合埋現有服務。
現時藥房開周一至周六，工聯卡及長者卡都有折扣，不過Emily見到網上話暫時只接受現金付款，大家幫襯嘅話記得要帶夠錢喇。
更多港聞
【明報專訊】華為首席財務官孟晚舟早前被加拿大當局應美國政府要求拘捕，香港唔少建制派隨即爭相聲援，工聯會更去美國駐港總領事館抗議，並拳打腳踢戴...
詳情
逾8%中學生 交友App收過裸照 社工：網上交友戒心低 有12歲童傳性感照
【明報專訊】中學生喜歡以手機與朋輩溝通，亦常以交友程式結識新朋友。有團體調查1900名中學生，有47%人試過網上交友。即使只在網上交流也有風... 詳情
相關新聞
