解放軍清塌樹惹疑慮 李家超：阻做義工 匪夷所思
[2018.11.29] 發表
【明報專訊】超強颱風「山竹」襲港後，上個月多個郊野公園都見到解放軍駐港部隊身影，協助清理塌樹同垃圾。人民力量陳志全(慢必)噚日喺立法會問及，當局會唔會設機制，等市民可以知悉解放軍外出活動以減低憂慮，保安局長李家超就反問，「點去管理軍人呢？你同我都無資格講，你又唔係軍人，我又唔係」。李家超又話解放軍清除垃圾，其實有市民要求影相，同埋畀手指公多謝，「(解放軍)做義工都要阻止，我真係匪夷所思」。
慢必噚日問及，解放軍喺政府無要求協助下清除塌樹，行動係咪違反《駐軍法》，同埋會唔會促請駐港部隊做義工時唔好著制服，以免被誤會正在執勤。慢必舉例，就算屋企樓下有人拍戲，演員著警察制服，都要通知大廈居民，等大家唔好擔心，「係咪(解放軍)話賣旗，就可以著住制服全香港咁行？」
李家超回應時重申，駐港部隊係應邀參與一項公益活動，無牴觸《基本法》、《駐軍法》等規定，又強調回歸21年以來，駐港部隊參加過嘅公益活動不勝枚舉，包括植樹、捐血活動等，但政府冇詳細紀錄。李家超又話，軍服係軍人身分象徵，穿著出席公益活動可以增強榮譽感同使命感，亦能令市民更認識駐港部隊。
更多港聞
【明報專訊】公益金前晚舉行50周年晚宴，場面熱鬧，公益金噚日仲?社交媒體上載短片，搵埋藝人黎明助陣，短片話「五十，代表?半空，亦係半滿；你哋...
詳情
自訂目標自主學習 自評學術能力升 實驗：長假無功課有利學習
【明報專訊】教育局去年聖誕假期前建議學校，避免給學生枯燥重複的長假期練習，令教育界關注假期功課質和量的問題。有社福團體早前邀請浸會大學做研究... 詳情
【明報專訊】參與長假期無功課計劃的4間小學，包括中華基督教會基慈小學、香港四邑商工總會新會商會學校、深水埔街坊福利會小學及亞斯理衛理小學。各...
詳情
相關新聞
