【明報專訊】今年美酒佳餚巡禮雖然發生無人機被干擾要腰斬節目嘅不快事件，但旅遊發展局為兩日前結束嘅巡禮埋數，見到啲數都令人有啲安慰。旅發局發言人話，今年參與人次達到168,000，比舊年多咗18%，而當中參與嘅旅客亦比去年多兩成，達到19,000人次，單睇數字已令旅發局管理層飲得杯落。 旅發局發言人又話，今年嘅美酒佳餚巡禮有10個特色，當中唔少係第一次嚟𠻹。呢10個特色包括： 1)最大規模，因場地伸延到添馬公園，面積大咗20%； 2)最多參展攤位； 3)最多公眾入場人次； 4)最多旅客入場人次； 5)首次喺維港上演無人機表演； 6)首設大抽獎，送價值逾170萬元獎品； 7)首設咖啡園； 8)首設環球街頭小吃區； 9)首設7米高大型生日蛋糕打卡位； 10)首設多項電子支付方法。
|
| |
| |
