謝偉銓拍片 籲搭電梯勿左行右企

【明報專訊】「握扶手，企定定，唔好喺電梯上行走。」大家出入港鐵站乘搭扶手電梯時，相信都聽過呢句呼籲，但未必個個都會聽話 。立法會建測界議員謝偉銓(Tony)噚日喺facebook上載短片，從專業角度解釋電梯兩邊企人，比喺「左行右企」嘅習慣更理想，佢話除咗令載人效率提高，亦可以令機件無咁易故障。

左企右企繁忙時間可載多幾千人

Tony強調，左行右企會令電梯左邊通道疏落，無辦法用盡空間，造成樽頸擠塞。佢引述英國格林威治大學一項研究，話只有25%受訪者願意行電梯，而倫敦交通局曾喺一個地鐵站測試，發現兩邊都企人嘅話，可以運送多三成乘客，以繁忙時間早上8點半至9點半計算，可以載逾1.6萬人，比左行右企多近4000人。

可令機件無咁易故障

除咗效率問題，Tony話左行右企長遠亦會為電梯帶嚟安全隱患，因為機械運作側重一邊，部分配件會出現偏差，重量唔平衡容易造成機械故障。Tony話電梯兩邊企人可以提高效率、減少意外，建議港鐵同政府多宣傳，除咗喺電梯兩邊印上腳印標誌，提示乘客左邊通道可以企人，亦可以利用影片同廣告示範正確搭電梯方式，改變左行右企呢項錯誤觀念。

更多港聞

羅智光揭公務員學院「洗腦」內容

【明報專訊】政府公布公務員學院將會坐落觀塘港鐵站附近，佔地1.1萬平方米，為公務員提供培訓，亦唔少得會有國情教育班，即時畀人質疑係咪要幫公務... 詳情

因為小鳳姐 林太再訪英華小學

【明報專訊】特首林鄭月娥噚日到訪直資男校英華小學，Emily聽校長林浣心講，林鄭2014年做政務司長時參觀過，今次重遊舊地係因為「小鳳姐」。... 詳情

推動象牙禁貿 EQ加入國際組織

【明報專訊】民建聯立法會議員葛珮帆（EQ）一直關注打擊象牙貿易，英國環境大臣高文浩（Michael Gove）近日喺倫敦宣布同全球多名政治領... 詳情