譚志源過檔馬會做總監
[2018.08.02] 發表
【明報專訊】政制及內地事務局前局長譚志源(Raymond，圖)早前離開咗官場前老細、南豐集團主席梁錦松創辦嘅新風天域集團，不過Raymond一直未有公布去向，噚日馬會就發稿，宣布Raymond加盟，會出任公司事務執行總監一職，今個月15號履新。
馬會話，Raymond加入馬會後，會成為馬會管理委員會成員，並直接向行政總裁負責，而佢新工嘅職責包括加強馬會嘅策略發展，鞏固馬會作為世界級賽馬及慈善機構嘅地位；亦會負責提升馬會同香港、內地主要持份者嘅聯繫策略，並統籌馬會各事務處嘅對外傳訊工作，管理公共、對外同內地事務部。54歲嘅Raymond喺官場做咗多年內地事務，目前亦係全國人大代表，相信新工作都非常適合佢。
更多港聞
相關新聞
